الحب في زمن النفاق
=================
قالو إني هعيش خلاص وانسا اللي فات
وإن اللي بنا يادوب مجرد ذكريات
قالو إن فراقنا دا قسمه ونصيب
والحب في زمن النفاق أصبح سكات
قالو إنسا لأنها مابقتش ليك
مستحيل حتي في يوم تسأل عليك
قالو إنسا واحده ضحت هي بيك
وإن اللي بينكم أسمه ماضي خلاص ومات
لكني بجد مش ناسي
ولا عمري هكون قاسي
ولو في الحب انا مظلوم
أنا صادق في أحساسي
انا حبيتها من قلبي
انا الموجوع وانا بخبي
غرامها بقلبي يا ربي
وساكنه كمان بأنفاسي
======================
أنا المكتوب عليا أعيش
حياتي وهي ماتكونليش
أتاري الدنيا مابتديش
لأحلام الجريح حاجه
انا جويا وجعي كبير
ومش لاقي لدا تغير
انا اللي بعيش مع التبرير
بإني بغيرها ولا حاجه
دي حاجه صعبه ليا بجد
أعيش ليها بإخلاصي
لكن الأمر فعلاً جد
وانا المصدوم في احساسي
انا حبيتها من قلبي
انا الموجوع وانا بخبي
غرامها بقلبي يا ربي
وساكنه كمان بأنفاسي
======================
إنتي حته في قلبي انا مكرهتهاش
إنتي فرحه عمري لكني معشتهاش
الوحيدة اللي هتبقي حب عمري
هي انتي يا أغلي جنه ماشوفتهاش
عمري مااقدر إن آكون قاسي في يوم
رغم وجعي ورغم انا منك مصدوم
هي دي قصه حياتي من الهموم
وانت ياقلبي قولي ليه مكرهتهاش
أنت عاشقها لكن مابقتش ليك
إنسا عشره حبها الله يخليك
انت نقطه ضعفك دي سكنه فيك
وراضي ليه عمري كدا يروح بلاش
دي حاجه صعبه ليا بجد
أعيش ليها بإخلاصي
لكن الأمر فعلاً جد
وانا المصدوم في احساسي
انا حبيتها من قلبي
انا الموجوع وانا بخبي
غرامها بقلبي يا ربي
وساكنه كمان بأنفاسي
======================
احمد طلبه
