فرح حبيبي
=========
الليلة فرح حبيبي
يا ناس ومين دارى بى
معقولة ده جاله قلب
يبدأ من تاني حب
طب هو ازاي نسيني
وفي لحظة يبكي عيني
دانا كنت ليله وهواه
وحضن قلبه ودفاه
طب حد ازاي يقولي
هعيش من غيره يالي
كان هو شمسي وضلي
كان كل يوم معايا
كان فرشي وكان غطايا
كان جرحي وكان دوايا
خلاص هتحب بعدي
وتعيش فرحان في بعدي
و انا هعمل ايه دلوقتي
مهو انت كل وقتي
دانا بتنفس هواك
وازاي هعيش حياتي
لو مش هعيشها معاك
ياللي كنت في يوم معايا
وكنت تتمنى رضايا
دانا كنت نبض قلبك
و قولت في يوم بحبك
ياما كنت بشيل همومك
وكنت بقاسمك في يومك
قولي إزاي راح تبعد عني
قدرت خلاص ربي بصبرني
قبل ما تمشي
خد أحلامك عايشة معايا
قبل ما تمشي
طلع حبك من جوايا
خالى النبض في قلبي يموت
ايوا انا ببكي ومين غير صوت
خالي الدمع يموت على الخد
خلي الجرح في قلبي يشد
خالي الوقت في بعدك يمشي
دانا في بعادك رمشي منامشي
ياللى مشيت واخدت كيانــي
دا انت معاك روحي وسيباني
عيش واتهنى ولا على بالك
قلبي فداك وعذابي يحلالك
الله يعني على الأيام
والله ياناس الظلم حرام
بقى معقولة حبيبب ايامي
فرحو الليلة وكمان قدامي
حد يقولى أنا اعمل ايه
اروح اباركله ولا اعزيه
ولا اروح بإيدي احنيه
ماهو برده حبيبي بكل ما فيه
هو حياتي وامنياتي
هو الماضي وهو الآتي
انا مين قدي حبيبي يا ناس
فرحو الليله
اروح ارقصله واهيصله واعمل هليله
ولا اصوت اسمع صوتي لكل الناس
قلبي بينزف من جوايا على الاخلاص
أصل غريبة الي بيحصلي ولا المجانين
دا لسه إمبارح كان ويايا
وفي غمضة عين
قالي انا هخطب بكره يا قلبي واعشلي يومين
غصب عني دا مش بي إيديا مش هنساكي في يوم يا عنيه
حتى و لو بدل العيل جبت المياه
بقى بالزمة يا ناس دا كلام
دا مافيش كدا ولا في الأحلام
انا بتعذب وشاربة مرار
وهو بيخلق في الأعذار
اه من ناري وحرقة قلبي
وانا ايه بس يا ناس بقى ذنبي
كل الذنب ان انا حبيتك
من جوايا وكنت أنا بيتك
بس خلاص البيت إتهد
وجيت بإيديك ورميت الورد
وبدمع العين وجرحت الخد
2020/3/12 الجمعة
:
#ماجدة_البهيدى
:
