عفوية كلمات احمد طلبه

#عفوية

=============

عنيكي بنظره تتحدي 

هموم الدنيا والأوجاع

ولا محنيه في الشدا 

وبنت أصول ولا تتباع

بتتحدي الحياه بروحك

بدون أنانيه ولا أطماع 

عشان بتلمي في جروحك

تلمي في عمرك اللي ضاع 

وعايشه تلملمي في حلمك

وهمك بس أحلامك

بلاش تحرقي في دمك

فبصي تملي قدامك

وقدامك بشر أنواع  مابين طيب وبين طماع

عنيكي بنظره تتحدي 

هموم الدنيا والأوجاع

ولا محنيه في الشدا 

وبنت أصول ولا تتباع

=================

مابين كل البشر عايشه

حياه  بسيطه طبيعيه

جريئه بس مش طايشه

بكل وضوح وعفويه

ولا تهتمي للي يقول 

بإنك واحده أنانيه

مجرد رأي كان مجهول

مجرد حاله سطحيه

وعايشه تلملمي في حلمك

وهمك بس أحلامك

بلاش تحرقي في دمك

فبصي تملي قدامك

وقدامك بشر أنواع  مابين طيب وبين طماع

عنيكي بنظره تتحدي 

هموم الدنيا والأوجاع

ولا محنيه في الشدا 

وبنت أصول ولا تتباع

=================

✍️ احمد طلبه 

أُمَةٌ مُسْتَعْمَرَةٌ ...كلمات الدكتور حسام عبدالفتاح الدجدج

أُمَةٌ مُسْتَعْمَرَةٌ  ...
.....
وَكَفَــاكِ فَخْـر وَمَفْخَــرَة
يَا أُمَّـــةً مُـسْتَعـْمَـــــــرَة

أَمْسَــيتِ مَا بَيِنَ الأُمَــم
أُضْحُـوكَـــةً للِمَسْخَــــرَة

ضَاعَـــتْ بِلادُكِ كُلُّـــــهَـا
ألأُولَى قَبْـــــلَ الآخِــــرَة

مَا صُنْتِ حَتَّـى أَرْضَـــهَا
أَضْحَـتْ خَـــرَابَاً قَافِــرَة

مَا عَــادَ فِيِّـكِ صَحْــــوَةٌ
مَا عَــادَ فِيِّـكِ عَنْتَــــــرَة

مَا عَــادَ فِيـكِ هَيبَـــــــةٌ
مَا عُــدْتِ أُنْتِ مُوقَّــــرَة
.....
وَالحُــكْمُ أَضْــحَى نَزْوَةً
كَالسِّعْي خَلْفَ العَاهِـــرَة

يَسْعَى لِكُــرسِي فَـــوْقَهُ
يُرْضِي البِلادَ الكَافِـــــرَة
.....
بِثَـرَاكِ كَنْــــزٌ لِلـــــــورَى
وَبُطُــونُ طِفْلَكِ غَـــائِرَة

الخـَيرُ حِكْـــــرُ لِقِــــــلةٍ
وَفِيَـاهُ شَعـْـبُكِ فَاغِـــرَة
.....
وَالجَهْــــلُ خَيِّـمَ عُشَّـــهُ
فَوْقَ العَقُولِ الشَـــاغِـرَة

قَـد حَـلَّ فِيـهَا شَعْـــوَذَة
بَدَلَ العُـلُــــومِ النَّيـــــرَة
.....
وَالدِّيِنُ أَصْبَــحَ سِلعَــــةً
فِيهَــا شُّيـــوخٌ تَاجِــــرَة

فَوْقَ المَنَـابِرِ يَصْــرُخـُوا
مَا قَالـــوُا غَيــرَ الثَرْثَـرَة
.....
نَفَـضَــت يَـدَاكِ مَكَــارِمٌ
كَانَت أُصُـــولٌ ذَاخِـــرَة

مَا عَــادَ فِيِــكِ نَخْـــــوةٌ
أَو لِلشَّهَـامَــــةِ ذَاكِـــــرَة

ضَاعَت نِسَـــاءُ وعِفَّــــةٌ
خَلفَ الثِّيَابِ السَّافِــــرَة

وَشَبَابُ أَصبَــحَ خَامِـــلَاً
حَتَّى الرِجَالُ فَاجِــــــرَة

مَاصَـانُوا حَتَّى عِرْضَهُـم
مِثْلَ الرِّعَــاعِ النَافِــــــرَة
.....
يَا أُمَّــةً ضَاعَــتْ سُــدَى
قَد كُنْتِ يَومَـاً جَوْهـَــرَة

قَد جَـاءَ فِيِـكِ مُحَمَّـــــدٌ
مِن رَبِّ عـَرْشِ العَامِــرَة

بِالــوَحيِ جَــاءَ لِـهَـديِنَــا
مِثـلَ الضيَــاءِ البَاهِــــرَة

هَانَت عَلَيــكِ حُــــدُودَهُ
فَهَـوَيتِ نَحــوَ الحَافِــرَة

تَستَبـدِلِيـــنَ لِشـَهــــــوَةٍ
دِيــنٌ بدُنْيَـــا صَـاغِــــرَة

هَـل تَستَفِيــقِي بِرَبـِّـــكِ
وَتَعَـودِي أُمَّــةَ نَاضِــــرَة

لَو مَا تَعُـودِي بِنَهْضَـــــةٍ
حَقَّــًا عَلَيــكِ المَقْـــــبَرَة
.....
بقلمي. د. حسام عبدالفتاح الدجدج

محتاج أفضفض كلمات مسعد سليم

                 محتاج أفضفض
مسعد سليم
=================
حتَّىٰ القصيدَه والشَّغف بيها
من مُدَّه حاسس انُّهم قَلُّوا
طَعم الحياه نفسُه ومعانيها
عاملين حداد وعَنُّه ما اتخَلُّوا
محتاج افَضفَض بسِّ متردِّد
مش جُبن منِّي لكنِّي بأجدِّد
في صبر طال  وبقولُّه ما يبعد
مهما الجراح وآلامي يتسلُّوا
وبقول لنفسي إنت ليه زعلان
من عُمر شارب سَلسَبيل المُرِّ
تفرق فـِـ إيه زيادَه حَبَّه كمان
قال يعني زعلك راح يخلِّيه يسُرِّ
لو كان في نِيَّه كان زمانُه بَيِّن
والفرح كان جانا أو بالقليل عَيِّن
والقلب كان لجلُه فرحان ومِتحَيِّن
مش حُزنُه تُوب عَمَّال يطول ويكُرِّ
العيب في مين جاوبينا يا دُنيا
فـِـ اللي داقوا طَعمِك الصَّبار
ولَّا فْــ بشر  خلُّوا نارك حاميَه
وان يوم طفيتي جدِّدوا المشوار
العيب في مين أرجوكي جاوبينا
حسِّي بوجع أصيل كأسامينا
قولي وبوحي خُدي الثَّواب فينا
ولَّا انتي مُودِك حابِب التِّكرار
كُل الحاجات حوالينا مخنوقَه
أرواحنا حتَّىٰ بُكاها فـِـ زيادَه
من غُربَه كُربَه وصايرَه مَوبوءَه
والحُزن فيها ما كفِّش العادَه
يوماتي نازل سَنِّ سكاكينُه
راصِد قلوبنا بوجعُه وأنينُه
فاتِح علينا عيونُه وسنينُه
وان قولنا كافي نلقىٰ لُه إعادَه

                 محتاج أفضفض
مسعد سليم