يسألونَني
=======
ويسألونَني لمَ كلُّ هذهِ
القصائدِ والأشعارِ
تمطرُ علينا ليلَ نهارَ؟
فأجبتُهم لمْ تسألوا
ألَمْ يرَ حبَّهُ ملءَ العيونِ
ألَمْ تروا أنَّني لهُ عاشقةٌ
ولِغيرِهِ لا، لا أكون
هناكَ في أقصى البلادِ
رجلٌ مِلءُ قلبي حبُّهُ
أعشقُهُ حدَّ الجنون
قضَّيتُ معهُ أجملَ قصةِ
حُبٍّ، لا، ولنْ تنتهي
حتى إنْ طالتْ المسافات
رجلٌ نتظرتُهُ عمراً بأكملِهِ
وحدَهُ هوَ مَن ملكَ القلبَ والفؤادَ
و سأنتظرُهُ إلى أنْ يأتي الممات
2020 /30/11
:
ماجدة البهيدي
انت الحب ❤️
========
اليوم عن عيد الحب كلهم يكتبون
وانا اكتب عنك وحدك ف لولاك
ما كان لكتاباتي ولا للحب طعم ولا لون
اليوم هم يتذكرون ويشعرون
وانا لا أتذكرك اليوم يا بعد روحي
وهل نسيتك لحظة حتى يذكرون
فاخبرني وكيف وانت لا تبرح العقل
وتحتل القلب و الشغف بجنون
انت معي ترقد بين النن والجفون
انت بجواري ودائما أمامي وبيميني
وداخلي في أيسر اضلعي و تشغل
الفكر والظنون
انت ملئ عيني وكل الرجال انت
وكل الشعور
انت الحب ونبع الحنان وكنزي
المكنون
لو يعلم الحب كم احبك لغار وثار
ورفع الحصار
ولو يعلم العشاق كيف احبك
لكتبه اسمي واسمك على الجدار
لرجع التاريخ لنا واستدار
ليسجل حبنا في كل الأشعار
ويكتب بماء الدهب فوق الغار
لو يعلم العالم اني احبك لكتب عنا
جويدة ونزار
وغارت ليلي على قيس مننا ولذات
بالفرار
لحتل العالم الحب بالحب وليس
بالقرار
احبك أعلنها للعالم اجمع وارفع
الشعار
احبك يا نبض قلبي واهتف باسمك
ليل نهار
احبك بعدد المسافات بيني وبينك
وبكل الأمتار
بعدد حبات الرمال وقطرات البحار
بعدد ما غرد العصفور على الاشجار
أحبك بعدد الأنفاس والشريان والأوتار
عشقي إليك يفوق زليخة وانت لي
يوسف وقلبي الأسير
ك يعقوب حبي يفوق عليك وامسي
وأضحى بقلبي الكثير
فبالله زدني فحبي إليك وإن طال
عمري عليك قليل
بقلمي
2020 /4/11
:
#ماجدة_البهيدى
:
اقسم برب السماء
==========
شو ها الغرام محلاه
من يوم مر علي
والله ما اقول الاه
دوبت في غرامك انا
وإن شوفت طيفك مر
يدق قلبي وراه
أقسم برب السماء
والأرض والميادين
بعدك ما اعشق حدا
وهفضل ليوم الدين
عايشه لحبك انا
وراح أكتبلك الدواوين
واغزل شعاع الليل
في سكة العاشقين
ويلي في غرامك يلي
رمشك سحرني وداب
من يوم شوفتك انا
قلبــي في نار وعذاب
والله ان حكيت للخلق
عنك لخط كتاب
وأقولهم قلبي
يا خلق حب وداب
ولا عمري يوم هفتح
والله لغيره الباب
وعلى حبي له يشهد
الواحد الوهاب
بقلمي
2020 /11/11
:
#ماجدة_البهيدي
:
========
سلم عليه سلم عليه
ياللى انت رايح
لنبي سلم عليه
قالولي قولى واتمني
وكل شئ طلبه مني
علشان يجلي ويوصلي
يا حبيبي
انا قولت اروح انا لحبيبي
هو دوايا وطبيبي
ساكن في روحي
واوليبي يا محمد
والله ان جبولي اللولي
وجم كمان لبسهولي
انا عايزة اروح انا لرسولي
يا حبيبي يا رسول الله
انا نفسي اقعد في رحابه
واعيش بعمرى على بابه
هو حبيبي وانا خدامه
ده رسولي وصلوا عليه
سلم عليه سلم عليه
يا اللي انت رايح
لنبي سلم عليه
ياللى انت رايح لنبي
انا قلبي دايب وانبي
امانة عندك لنبي
تبوسلي شباك النبي وسلم علي
سلم عليه سلم عليه
ياللى انت رايح
لنبي وسلم عليه
انا ليلى ونهاري بتمنى
وبطلب من الله وبستنى
يريح قلبي انا بلقاه
واشوف حبيبي بعيوني
سلم عليه سلم عليه
ياللى انت رايح
لنبي سلم عليه
انا نفسي المس شباكك
واقعد في الروضة وفي رحابك
واقضي عمري انا على بابك
والله ما قدرة على بعادك
يا محمد
قولوله والله انا غلبانة
وفي بعده عني تعبانة
لا طالبة مال ولا جاه انا
انا بس نظرة وعشمانة
قولوله ماجدة دى بعتة سلام
وياريت تجلها في المنام
مشتاقة والله وقلبي مانام
ده العيشة بعدك تبقى حرام
يا حبيبي
وسلم عليه سلم عليه
ياللي انت رايح لنبي
وسلم عليه
2020/25/10
:
#ماجدة_البهيدي
:
=========
وعايزيني انساك
طب يالا حبيبي
روح في سلامة
انا مش فكراك
روح يالا خلاص
ابعد عني
مش عايزة هواك
ولا يوم انا تاني
هقول اني
كنت انا بهواك
انا مش هاجي
تاني على نفسي
علشان بهواك
انا ياما كتير
كنت بحارب
علشان القاك
عايزة اشوفك
واسمع صوتك
واكون وياك
لكن إني تبعد عني
لا لازم انساك
انا فاكرة ان انت
بتهواني زي ما بهواك
بس انا دلوقتي
مش اضيع وقتي
واعيده معاك
انا لازم أمشي
ده رمشي منامشي
وقلبي بقى معاك
بس هحاول انا
مهما ان كان
ان أنا انساك
وانسى حياتي
وعمري ونفسي
وكمان قلبي
اللي انا سبته معاك
روح يالا سلام
انا مش عايزاك
2020 /13/10
:
#ماجدة_البهيدي
:
ومين قال
========
ومين قال ان انا نسيتك
بالذمة برضه ده اسمه كلام
بعمري كله انا حبيتك
وكنت اصحى معاك وبنام
ولا مرة بعدنا في يوم
ولا حتى ما بينا خصام
وكنت دايما كدة ضلي
ومعايا حتى في الأحلام
ولا عمري علي بالي كدة جالي
اعيش وحدي بعيد عنك
ده مر الدنيا يحلالي
لو في يوم اضيع منك
حبيبي صحيح منيش وياك
لكن دايما بعيش وياك
ومهما العمر بينا يفوت
انا عندي اموت والقاك
خلاص انا قلبي فاض بيا
وليل بعدك قاسي عليا
ولا عارفة اكون لك يوم
ولا حتي اكون ليا
ليالي العمر بتعدي
وانا ماشية على قدي
وهدي في الخطى هدي
مسيره يجيلي ويهدي
زمان كنت اصحي على صوتك
وكنت أفهم انا سكوتك
انا فهماك انا عرفاك
انا نبضك وانا شرودك
يا أقرب ليا من نفسي
اشوفك يوم انا نفسي
ده لو مرة نسيتك يوم
انا اولى افوت نفسي
يا احلي حاجة جوايا
يا نسمة عمري يا هوايا
يا جرح قلبي و دوايا
ده حبك لسه ويايا
ومهما ان قاله باقية عليك
ولا يشغلني إلا عينيك
انا منك وبرضه إليك
وقلبي وروحي ملك ايديك
يقوله ما يقوله عني
ده عمري كله مستني
عشان لحظة اكون وياك
و تبقى انت قريب مني
2020 /3/10
:
#ماlجدة_البهيدي
:
=========
فتحت عيني
علي كان بينك وبيني
وفهمت ايه معني الالم
لما الامل فيك اتعدم
شوفت الندم
لما سلمتك زماني
وامنت لك وانت الاناني
هو كان حب بحقيقي
ولا وهم خد زماني
ورماه هناك تحت العذاب
لا كان سراب
والغلطه اني مصدقه
وقت اللقا
انك شريف بتحب من جواك نضيف
وانا قلبي كان بيموت عليك
وف ايدك أضعف من ضعيف
كنت الربيع بيحن ليك
وانت يا دوب ورقة خريف
معقوله قلبي اتغش فيك
ولا شافش انك شيء مخيف
معرفش أنه يشوف ايديك
و هي غارزة الف سيف
جوا الوريد
بس الاكيد اني ابتليت
بالجرح مت وانتهيت
مبروك عليك
دمعه جديده تضمها لكتاب جراحك اسمها كانت وفيه انما
ضاعت خلاص والبركه فيك
مين يشتريك
يا قلبي بعد جراحه ليك
ولا يناديك بالاهه والجرح يداويك
ما اتسرسبت منك حياتك تكرهك
بقي ده اللي كان هيفرحك وفي نن عينه هيلمحك
اسمح لي اقولك أن حبك كان يا دوب نزوة خسيس
بالغالي كنت معاه تداويه وهو جرحك بالرخيص
اياك تقول انك عبيط ما فهمتوهوش
او تيجي تحلف أن هو حد تاني ما تعرفوش
اشرب مرارك وارتوي بحر الهوى بقي كله نار والموج بيبكي م الوحوش
انزل لجرحك وانت مطمن عليه أنه خلاص فاق م الوجع
لما اتخدع من ده المصير
كان حلمه يتهجي الحياة
بس الاسف
بقي دمع مرسوم ع الرموش
ما هو مات غريق
مستني ايه من قلب يشهق م الوجع نبض الحريق
كان نفسه يرسم سكته ضلايه للحلم الرقيق
بس الدموع سبقت مقامه وخطوته
والحضرة زار تشرب مرار من قسوته
يا قوته
لما ضحك علي جرح روحي وحزنها
يا خسارة كان حلم انتهي لما التقي
حضن الجراح يحضن جراح
وانا قلبي ميت ع الطريق
يا جراحي زيدي من مراري ده انهياري للي خان بيبل ريق
حضرة جناب المتهم أنه ظلم
مبروك عليك دفنة وريد ميت يتيم
لكن عشان تبقي الحكايه مكمله بعد الزمن هات الكفن جوه المحن وارسم خداعك جوه روح عاوزة تروح وتكفن القلب البريء
كلمات / هبه حسن
==========
تيجي عادي..... تمشي عادي
مش راح ابكي عليك وانادي
اصل انا اللي رويت غرورك
وانت اللي رضيت بعادي
كان رجوعي هو ضعفي
وكل مرة كنت اسامحك
كنت بتزيد التمادي !!
زيد براحتك ف المواجع
قول بإنك تاني راجع
وامااحن لشوقي لحظة
ولا احن لأي نظرة
الندم بيكون قصادي
الدموع بتكون مرايتي
والعذاب بيكون سهادي
وابقي محتارة ف حكايتي
واللي كان بالظلم بادي
ورغم جرحك كل ثانية
قلبي كان بالجرح راضي
كنت عايشة ف تمثلية
وانت كنت بتغري فيا
مش غريب ان انت تقسي
ومش غريبة القسوة ديا
بس اللي غريب حقيقي
انك انت بدأت بيا
جرحك انت بألف جرح
م اللي جرحوا قبل منك
ايوة انا اتعودت جرحي
بس استغربت انك
لسه راسم دور ضحية
لسه بتقول برضة عاشق
كنت اسأل مرة نفسك
مين بكل بساطة فارق
والنهارده بعت حبي
زي ميت ف المفارق
هي ده كل الحكايه
والقضيه
أن حبك تمثيليه
خت فيه دور البطوله
خدت انا دور الضحيه
هي كانت مرة اولي
بس اخر مسرحيه !!
.......
هبه حسن
صباحك يومه نادي
=============
صباحك شقاوة وخفة وحلاوة
وموجة شقية تصبح عليك
ونسمة ظريفة وهمسة خفيفة
تخرج من شفايفي تروح وتناديك
وبوسة هدية يا اغلى ما ليا
تسبني وتجري مني وتروح
تجري عليك
صباحك معطر يا حلو يا سكر
وشمسه تخضر وخضرها
نور عينيك
ومعاه ورد بلدي وعطره يناديك
صباحك جميل ويومه عليل
وجاي بنفس صافية عشان
يميل عليك
صباح يومه نادي وحبي ودادي
وكل حياتي عشانك بين ايديك
صباحك كلمة حلوة وفيروز جوه غنوة
وفنجان قهوة حلوة وبهديهم إليك
صباحك قلب صافي وشوق في القلب دافي جاي يضلل عليك
صباح يبعت سلامي وشوقي وهيامي
ودقة بقلبي جاية بتصبح عليك ❤️
2020 /13/9
:
#ماجدة_البهيدي
:
هيكون غرامك ف العزا
والجرح واقف ف الصفوف
مشتاق يقولك لو تشوف
إن رغم جراحي منك لسه قلبك فرحتي وغنوة عذابي
بس اوعدك عمري بجرحي ما اكلمك ولا بعد عمري الجاي تشتهي لحظة عتابي
ملعون وريدي لما اشوفه بلهفه لسه بيناديك
لو حتي غرقان في الوجع
بيشب لجل ما يسلم عليك
وخسارة فيك
كل الاغاني والأماني والحنين اللي رماني
تحت رجلك يسالك
هو ممكن بعد موتي أن انا انسي هواك
يعني ممكن جوه قبري انسي قلب عاش فداك
برغم أنه حته مني بس راجع غصب عني
يطلبك لو فيها جرحي هيعشقك
هيصدقك من غير ملامه
او عتاب
قدرى انا اتحني من حبك عذاب
شكرا حقيقي انا بشكرك
علي جنتك لما ارتوت مني البكا
وبقيت سعيد وانا روحي جوه الشرنقه
والمحرقه رافضه اختياري في الفراق لو راح بعيد
لو كل يوم انا اموت في نفسي
للاسف بتولد فيك من جديد
وبرغم شوقي لسكتك يا قوتك لما تعيد نفس المرار
ما انت اللي غاوي الانكسار يبقي انا
بتشوفه جنة ربنا وعداله جايه م السما
تضحك وبتنور عينيك علي قلب قطعته بايديك
طب كنت سبني في السراب وردة امل
تحلم حبيبها يضمها في جزيرة من شهر العسل
بس الاكيد انك قوى علي قلب عشقك بالقوى فرحان بصوته وصرخته لما الجراح جت مسكته بتسكته ممنوع تداوى اي دمعه في حضرتك
يا قسوتك
معقوله عيني في الغمامه ماشفتش طله م القمر
ولا الوجع والذكريات كان وهم فوق شنطه سفر
طب خد معاك عمر الطفوله المدهشه وجراح بقلبي معششه
خايفه في يوم تدعي عليك
وان رغم جراحي منك لسه قلبي مشتريك
كلمات / هبه حسن
========
الواضح أن العمر اسير
ف ايدين في الأصل ماهش شايفه
والحمل جبال بيعدى الحال
والقلب الطيب بقي حزنه مليون موال
وبشر من دمك لكن فين من وجعك فيك
يزرع في دموعك بضلوعك ولا يبكي عليك
بيرص الجرح صفوف من خوف ويبكي عينيك
والاهه تكون علي مدد الشوف بتهدك هد
ودموع ع الخد
وتشوفهم في الوش ملايكة
لكن في غيابك
مليون ضد
ملعون أفعالهم وحياتهم
مبقاش فيها ولا حاجه تسر
من وش الزيف توب أحوالهم
بقماشه جمر ف عز الضهر
والخيط هيكر
من ضلمه لضلمه بسرعه يمر
يعيش محروق اوى من طيبتك
مش شايف انك طبعك حر
في لسانهم 100 الف حريقه
علي وجع الناس كل دقيقه
حاجه خنيقه والواضح أن الدنيا خلاص
هتدور تسقينا بنفس
الكاس
وضمير بيحارب في الزحمه وقت التوبه تلاقيه منداس
ده الكدب اساس موجود علي طول وسواس خناس
ويقولك صوتك بضميرك
اهرب واجري من كل الناس
وتعدي البر تلاقي المر
وتعيش انفاسك ذل و قهر
ولا كانو في يوم حبة بركه بتداوى المر
والحضن نضيف بيطهر ذاته بنور الفجر
لكن في غيابك بيصلو
بدعاء مبتور يتهجي الغدر
مغلوب امرك تحت مداسك
وبيشرب قلبك من كاسك
ده وريدك مجروح من ناسك
ولا حد هيفهم انك حر
ملعونه الطيبه التي تخلي
قلب المظلوم يتوضي الهم
سكاكين الضحكه الكدابه تغرز ف حشاك تسقيك السم
وتلاقي بسرعه جراح الكون بتعدي فوقيك
مطرح ما تروح تلقي الاهه شايله سمومها وتنادي عليك
قرب يا غريب خد من وجعك وأرجع علي طول
مطرح ما تعود تلقي صباحك بيشقشق هم
كلمات : هبه حسن
هيَّ هيَّ مفيش كلام
أصل معروفه النِّهايه
مُؤسِفه وأسوأ كمان
ياه علىٰ الحظِّ التَّعيس
لمَّا بيعلِّي الرِّخيص
عَــ اللي صانُه وكان حريص
واللي كان ليه الامان
آه يا دنيا يا مفتريَّه
لسَّه إيه تاني فْــ جِرابِك
نِفسي ألقالِك تَوْرِيَه
تِفحم السَّيد جنابِك
تِوجع الظَّلمه اللي فيكي
اللي زادوا فْــ مآسيكي
واللي هُمَّا اسوأ ما بيكي
واللي فتحوا بظُلم بابِك
هوَّ ليه الظُّلم سايِد
عَــ اللي شاربين العذاب
كُلِّ يوم دافعين ضرايِب
لا ويوماتي فيه الجراب
مُش كفايه ولا لسَّه
كُلِّ يوم بتضخِّي كارثه
والمزاد دايما بيرسا
عَــ اللي مِن فرحِك غياب
إرحمي يا دُنيا كافي
البريء مُش حِمل طيشِك
لجل يشرب مُرِّ صافي
بِسم انُّه أكل عيشِك
أرحمي انتي وناسِك
خفُّوا حبَّه مُرِّ كاسِك
بطَّلي مِن سِمِّ راسِك
راعي انُّه فْــ يوم ما عاشِك
قولي للظَّالمين كفايه
ربِّنا قادر عليكُم
كل يوم ليكُم جِنايه
بُكره راح تُحصد إيدكُم
وقتها ما تدقُّوا باب ..
أهلُه رَويتُوهُم عذاب
وادفعوا أصعَب حساب
عن مُسلسل مآسيكُم
نفس الحكاية
مسعد سليم
==========
ماذا أقول وماذا اكتب
وأنت بهجة الاحلام
انت للقلب قلب وللورد الأقحوان
أنت للعين عين
ولقلبك الروح والوجدان
أنت للبستان الزهور والألوان
أنت للعشق معنى
أنت للحب كل النبض والشوق
والحنان
أنت للذكريات
كل الأماكن والأشجان
أنت للربيع كل الشجر والأغصان
أنت لروح روح وللجسد الشربان
أنت بيتى ومدينتى والشوارع
والجدران
أنت لليل القمر والنجم وصوت
الكروان
أنت للسماء البروج والكواكب
وكل الأكوان
أنت للشتاء الدفئ والهدوء
وفنجان قهوتى
أنت للشعر الترتيل والكلمات
والأنغام وكل الألحان
أنت النور والنار والحرب ضَروسَها
أنت بركان وإعصار وموج هاج فى
البحار
أنت مدينة القدس وغصن الزيتون
و للمضمار الفارس
أنت الرجل الشرقى الذى فك قيودى
وازاح الستار
أنت الحب الذى أشعل في قلبي
الإكبار
أنت من بعثرت أشجاني وأحلامى
ورفع عن قلبي الحصار
أنت قصة حياتي ومالك فؤادي
لك كتبت كل الأشعار
أنت من استباح الروح وملك كيانــي
وله أنشد الليل نهار
أنت وحدك من أسرنى وكأنى لست
من هذا الزمان
أنت من ادخلنى مدينة النسيان
فلا بقربك أنعم
ولا إن غادرت روحك أستشعر
السلام
أين أنت مني أنت للروح عمر
وللعمر كل الأمان
أنت في البعد موتي ولقربي الحياة
و سلوى الايام
انت غائبي الحاضر ونهرى الظمآن
أنت للحرب السلام وللعشق الغرام
فيا نبض القلب وروح الوجدان
إحتار فيك القلم وأعلان العصيان
فبأي كلام أصف حبك وانت نبضي
وكل الحنان
يا عشقي يا روحى يا أهلي وبيتي
ومدائني ويا كل الأوطان
بقلمى
2020 /1/9
:
#ماجدة_البهيدى
:
============
تجرح مشاعري وبسهوله من كلامك!
وابكي وتعمل إنك انت مش شايفني!
وف حزني حتي ماحستش إحتوائك
ولامره قدام أي حد تكون ناصفني
💔💔💔💔💔💔💔💔
شايف بإنك انت صح مش شايف حاجه تانيه
والشكوي ليك تقلب بجرح والعيب تجييو عليا
نستني إحساس الفرح. عايشتني في أوهام
وتعيش حياتك ليك وبس من غير ما تحس بيا
#ملعون_أبو_الاحساس_بحد #إحساسه_كله_برود
#لا_بيحتوي_ولا_يوم_يود #وكأنه_مش_موجود
#وانا_واحده_بيضيع_عمرها #وياك_ومش_لأقياك
#خلتها_كرهت_عمرها #وربنا_المعبود
=============================
عمري ماشوفت معاك حياه ولا شوفت يوم حنيه
واحد ومش فارقه معاه أوصل للحاله ديا
إن ابقي مش حاسه بأمان ولا روحي وانا وياك
كانت حياتي هتبقي اغلي إن كنت يوم مش ليا
#ملعون_أبو_الاحساس_بحد #إحساسه_كله_برود
#لا_بيحتوي_ولا_يوم_يود #وكأنه_مش_موجود
#وانا_واحده_بيضيع_عمرها #وياك_ومش_لأقياك
#خلتها_كرهت_عمرها #وربنا_المعبود
=============================
✍️ احمد طلبه
