برسم ع الحيط كلمات المبدعه هبه حسن

برسم ع الحيط
==========
 برسم ع الحيط 
قضبان ياسي
ملضومه بشبكة احزانى
وضلوعي العاشقه لاوهامى
بتحول حلمي لبركانى
مشبوكة مابين حلمى وفرحى
حبة حكايات
مسجونه مابين المي وجرحى
باتحامى مابين نفسي وبيني 
موجوعه وبحلم لو تيجى
تمحيلي الدمعة اللي في عيني
وكتير باشتاق لسماع كلمة
بتصحي حياتي وتشجيني
والقاك بتقولي وحشتيني
ع الكرسي العاشق تفاصيلك
ريحه اشواقنا الملهوفه
وحكاية بتعشق تنهيدك
بتحن لروحنا الموصوفه
والخيط بيكر من الذكري
ولا شايفه من الايام بكرة
مسجونه  تخوفني الفكرة
اطلع من السجن واكون حرة
وكاني غريبه ومش  عارفه
انا ليه بتنفس وانا خايفه
ولا من الحزن بقيت شبهه
وبادور في الجرح بميت لفه
دواره يا دورة احزاني
قضبان الوهم بتهواني
وكاني بعيش حلمين ضدين
باخرج من سجني لسجاني
حساني غريبه ومأسورة
محبوسة في روحي ومكسورة
لا انا شايفه اساسي واحساسي 
ولا حتى ساويت العصفورة
ياترى راح تسمح يازماني 
واتوضى  لمرة في احلامي
ولا الحرية ده حلم بعيد
هتغيب عن روحي وايامي
==============
كلمات هبه حسن 

بتخدموا ليه اللي رايح كلمات المبدع احمد سيد احمد

بتخدموا ليه اللي رايح
============
بتخدموا ليه اللى رايح
و اللى مفيش منه أمل
بتزودوا ليه الفضايح
معرفش إيه فيكو العمل
لو كان مرادكم تجرحوا
كل القلوب المخلصين
و ف كل لحظة تفرحوا
ناس بالوسايط موعودين
يبقى ادفنونا بالحياه
د الحلم وسط الحقد تاه
و الصبر واصل منتهاه
و لا عاد يفيد فيكوا الكلام
إحنا اللى شايلين الهموم
المر مافريقناش ف يوم
نهارتنا ماليانه بغيوم
و الليل غطيس وسط الظلام
أحسن لنا نبيع اللى راح
و نعيش و ف قلوبنا الجراح
لنموت ما بين ذل و سكوت
و بلا اعتراض و لا أى صوت
نغرق ف أمواج الحياة
#أحمدسيدأحمد

أحتوائك_مستحيل كلمات أحمد طلبه

#أحتوائك_مستحيل
==============
عيد سعيد عليك وتفرح  قد حزني وجرحي منك
هي كلمه لو هتسمح  إن كلامي كان يهمك

هو بس سؤال ياريت   بس ردك لي بصراحه
لما منك يوم بكيت  كنت حاسس ليه براحه 

كنت شايف إن وجعي أو دموعي شيء جميل
واحتوائك ليا شايفه    إنه أصلاً مستحيل
#والدليل 
إني انا اتحملت كدبك  كنت سندك في إنهيارك
يجري إيه لو كنت سيبتك   وسط قهرك وإنكسارك 
يجري إيه لو كنت سيبتك  بين جنونك وانتحارك 
بس عيبي عشان سامحتك  أنت فكرته إنتصارك 

#مش_دليل

الدليل دا بإن  طبعي  وقلبي كان طيب اصيل
كنت بتمني احتوائك وانت شايفه مستحيل

أنت بارد أيوه جاحد   فيك سواد ولا عمري شوفته
فيك حقيقه قلب واحد  بندم إني في يوم عرفته
دي الحقيقه 
روحك انت مش بريئه
بس روحي معاك دي كانت   روح ضعيفه ومش جريئه
#والدليل 

الدليل دا بإن  طبعي  وقلبي كان طيب اصيل
كنت بتمني احتوائك وانت شايفه مستحيل

===========
✍️ #احمد_طلبه

أنا_مليت كلمات #نورأدم

أنا_مليت
#نورأدم
=======
أنا مليت برغم هواكى جوايا لكن مليت
وباتمنى لا كنت قابلت يوم قلبك ولا حبيت
مشيت فطريق وقال فاكره إن انا عارفه
فنص السكة أيوه لاقيتنى أنا ضليت

أنا حبيبك تعيدي كتير  فتكرارها
أصدق ألاقي مليون معنى منغيرها
كلام تقوليه وأصدق فيه واكون مخدوع
بترسمي صورة فعلك ييجي يكسرها

تعبت أصدق الاوهام وأعيش ضايع
وأبعد تيجي تلوميني إن أنا بايع
وأرجع ليكي وانا جوايا مش راضي
قفلت الباب وأمر فراقنا بقى واقع

أنا مليت برغم هواكى جوايا لكن مليت
وباتمنى لا كنت قابلت يوم قلبك ولا حبيت
مشيت فطريق وقال فاكره إن انا عارفه
فنص السكة أيوه لاقيتنى أنا ضليت

#أنا_مليت
#نورأدم

سماح_عبدالله تكتب #ومابقيناش_نشتاق

سماح_عبدالله 
#ومابقيناش_نشتاق
=============
مابقيناااش نشتاق 
وعادي ده فراااق

#لابقطع_شعري_واقول_ميت
#ولابسهر_ولابصحي_مهيس
#لابشوفك_صاحي_ولانايم 🙈 
ولا خيالي بيطلب طلتك الهبابيه😍🤗

ومابقيناااش نشتاااق 
وعادي ده فرااااق

بتكلم كتير صحيح و ع الفاضي
بس بروح واجي عادي وراضي 
#ومغمض_عيني_عن_السيره  
#مابشوفها_لاهي_ولاالغيره 

مااتعلمنا القسوه منك اتعلمنا 
وبقينا اسااااتذه كمان عليك 
عدينا اجرامك بمراحل 
#سكتنا_الشوق_والحنيه 

ومابقيناش نشتااااق 
وعااادي ده فراااق 

#سماح_عبدالله 
#ومابقيناش_نشتاق 
#م_وحااا ✍️💞
وحاجه فانتازيا كده  🤔😍

انا_البنت_ديااا ❤💪كلمات الشاعره #سماح_عبدالله

وانا_البنت_ديااا ❤💪

#سماح_عبدالله

+=========

ايوة انا هي  البنت

 اللي بتعمل لابوها واخوها

الف حسااااب ❤💪

مش خوف منهم لاء عشان 

بتحبهم وتحترمهم ❤💪

وبتحاول دايمآ تكون قد ثقتهم

فيها ومابيهونش عليها ابدآ 

تخذلهم وايوة انا عندي 

شخصية بس ابدآ مش 

عليهم ومش عااايزة 😍

يتباااهوا بيهاا 👻💪

لااء عااايزة  يتباااهو

 بأخلاااقي بقلبي بالحنيه 

ايوة انا هي البنت ديااا 

وبشوفني مش ضعيفه 

ابدآ  لاااء قوية 💪

ايوة انا هي  ديااا

وبحبها قوي

 كده ز ي ماهي ❤❤

#وانا_البنت_ديااا ❤💪

#سماح_عبدالله

لو مت بالكورونا كلمات الشاعر السعيد يحيي

لو مت بالكرونا  بلاش تفضحونا

دى حاجه مش بإيدى

بحلف بالله ياسيدى

ولازم تصدقونا

مش عاوز ليا عزا

كفايا عليا الاذى

 ونظرتكم المركزه

وكمان بتعيرونا

طب ادينا مشيين وسيبنها

وبلدنا الله يعنها

 على خلق ناويه وبتهنها

 وتقوله كفايه يقولك حظرونا

لو انت ياعنى وبعد الشر

او حد من اهلك اتضر

صدقنى انا وشى هيصفر

من خوفى عليك وهدعيلك

فبلاش تعايرنى انا بترجاك

واستر عيوبى لوكانت معاك

ويارب يكون موتى بفداك

ولا اى سؤ تانى يجيلك

وادعولنا ياخلق وانسونا

يكفيكو شر الكرونا

ده الستر فعلا من الرحمن

بس انتو بغيرو   بتعيرونا

#السعيد يحيى

حبيبى يا محمد كلمات الشاعره ماجده البهيدي

حبيبى يا محمد

==========

حبيبى يا محمد

يا اغلى الناس عليا

يا ربى انولها واشوفه بعينيا

ده منايا انى ازور

 واشوف الرسول

واصلى واسلم

وانول القبول

حبيبى يا محمد

يا اغلى الناس عليا

يا ربي انولها واشوفه بعينيا

محمد يا امين

يا رحمة العالمين

نورت الكون بحاله

يا أمام المرسلين

حبيبى يا محمد

يا اغلى الناس عليا

يا ربى انولها واشوفه بعينيا

اااه لو بس اجيك

واجلس بين ايديك

والله الكون ما يسوى

نظرة من عينيك

حبيبى يا محمد 

 يا اغلى الناس عليا 

يا ربي انولها واشوفه بعينيا 

يا رسول البرية

والطالعة البهية

دانت أجمل هدية

بهديك مليون سلام

حبيبى يا محمد

يا اغلى الناس عليا

يا ربي انولها واشوفه بعينيا

محمد يا حبيبي 

يا دوايا ويا طبيبى

مشتاقة إني اشوفك

لو حتى في المنام

حبيي يا محمد 

 يا اغلى الناس عليا

يا ربى انولها واشوفه بعينيا

 

2020 /27/4

:

#ماجدة_البهيدي

:

هي غلطه كلمات الشاعر ابراهيم يحيي

هيا غلطه وانا ندمان عليها

سلمت قلبي لناس ما بيطمرش فيها

مع اني كنت طيب وحنين عليهم

ولا عمري فكرت مره

ان اأذيها و كنت

قادر علي الاذيه

يشهد عليا رب العالمين

 طول عمري عايش في الحياه مخلص وامين

لا ظلمت حد 

ولا جرحت حد 

وانا ياما انظلمت وياما انجرحت من ناس كتير خاينين

العين بتبكي ليل ويااا نهار

ع الصاحب اللي كنت فاكره مخلص وطلع غدار

بدل ما ياخد بايدي لبر الامان

رماها هو وسط النار

شبعت جراح شبعت اذيه

 يا دنيا ما تحني شويه

ما بقاش في قلبي حته سليمه

كل اما عاشر ناس يطلعوا ولاد لائيمه

يشهد عليا رب العالمين

طول عمري عايش مخلص وامين

تحياتي

ابراهيم يحيي

طمني عليك كلمات الشاعر ياسر إبراهيم

طمني عليك يا غايب
وفى قلبي اغلا الحبايب

فى بعادك انا قلبي دايب
وزايده ناري لهايب

وحشنى ووحشنى صوتك
ووحشانى اكتر همسة سكوتك

طمنى عليك وقولى اخبارك ايه
ياللي ع البال تملى
وشاغل قلبي ومافيه

بسال عليك فى غيابك حنينى
وبسال عليك فى ليلى القمر
وابعت لك سلامى 
من دمع عينى
يارسايل غرام
انا شوقى سهر

يا واحشنى وانت غايب
وفى قلبي ساكن غرامك
طمن قلبى اللى دايب
ورد سلامى بسلامك

2015
ياسر ابراهيم

إستني # كلمات الشاعره /نورأدم

إستني
=====
إستني لحظة....بعديها روحي
ولو هاتاخدي...بالبعد روحي
نظرة فعنيكي.منها هاشوف
انا وحدى فيها..ولا ألوف

ولو لاقيتنى ..انا وحدى فيها
ماهلاقى لحظة حب أندم عليها
وبكل روحي .....هافضل شاريكي
وطول عمرى هافضل...انا بردوا ليكي

لكن حبيتي ...صدقيني لو لاقيت
من نظرتك.. اللي فعنيكي انى انتهيت
هارحل وافارق ... باقي عمرى وللأبد
وهاثبت على بعادى..كما ثبوت الوتد

إستني لحظة....بعديها روحي
ولو هاتاخدي...بالبعد روحي
نظرة فعنيكي.منها هاشوف
انا وحدى فيها..ولا ألوف

#إستني
#نورأدم

متقوليش كلام كلمات الشاعر خميس عليوه

متقوليش كلام
=========
متقوليش كلام خلاص وقته عدا وفات 
دا كتر الالم بيسيب بعد منه اهااااات
محبتنيش لو كنت صحيح بجد حبيت
مكنتش لحظه هونت عليك توجعني 
انت حد قلبه ده خاااين ملهووش امان 
في الاوهام انا عشت كتير معاك زمان
راجعلي بعد ايه تبكي ووقلبك حزين 
بعد ما موت حبك جوايا وكسرتني؟!
مترجعليش 
علشان من قلبي انا اتغيرت عليك 
اصلك ممها قولت وحكيت لوعودك
 انت مبتوفيش 
كنت غلطانه لما فكرت 
هعود كل اللي فاتني معاك 
ف الاحلام انا صدقت
حلم اخرته كان ايه علي مفيش 

متقوليش كلام خلاص وقته عدا وفات
 دا كتر الالم بيسيب بعد منه اهات 
محبتنيش لو كنت صحيح بجد حبيت
مكنتش لحظه هونت عليك توجع قلبي وتكسرني؟!

#خميس_عليوة

سألتني ..#بقلمي علي حسن

269
سألتني  ..#بقلمي علي حسن .. 

سألتني عن الاسم قلت .. 
ما بين الحروف والسطور ..

وسألتها شو تعني من الإسم .. 
جاوبتني خلي الحكي والاسم مستور ..

بكرا بطلع النهار وبتشرق الشمس .. 
واللي بالقفص مش اسمه عصفور ..

والهوى من لون الحريه .. 
والسما بيتحلى بأجمل الطيور ..

وللوطن الكل يتغنى .. 
وتنفرش الأرض ونرش العطور .. 
لحرية وطن وما في القفص مذكور ..

تتشرق شمس الضحى .. 
والقفص يتمايل  وتنتفض الصقور ..

واليوم مثل الماضي إنتهى .. 
وانطوت تحت الأقدام العصور ..

والقادم جماله فيه من الفعل .. 
والشارع للإسم والقلم إله مسطور ..

واليوم من يوم الوطن .. 
وبالفعل العالم اصبح منه مقهور ..

والاسم والله اعرفناه .. 
وحروفه في القلب محفور ..

سألوني ياشاعر بربك شو الإسم .. 
هو الاسم من الوطن وشعور ..

وإلا الإسم من الزمن فيه مشعور .. 
ويا عالم ما انا بشاعر ولا بالحكي مغرور ..

أنا ابن الوطن ومن الخربه مأصل وجذور ..

وتحيه لمن قرأ وغاب عنه المعنى ..
ولمن نقد الخط والحرف وماهو من البحور ..

وما كتبته من القلب وللقلب أنشد كلامي .. 
ولا أنا صاحب هوى ولا كلام مخمور ..

وتحية لمن قرأ مني الحرف والسطر .. 
ولمن لم يعرف المعنى وما اخفته الصدور ..

فأنا لا أجيد السباحة في النهر .. 
لكني أجيد الغوص في البحور ..

  .. علي حسن ..

الحياه اوقات كلمات سامح عبده

الحياة اوقات 
شوق للقا وشوق 
لكتير من اللي 
فات 
الحياة ذكريات 
من ماضي عدي 
و اللي فات من امنيات 
بس احنا لسة عادي 
و اللي جاي هيبقي 
ماضي 
و يبقى برضة تاني 
ذكريات ذكريات
كل يوم بيضيع مننا 
كان مستقبل  وحلمنا 
ولا فيوم الحلم قربلنا 
وبقي فحباتنا ماضي 
 وفات 
و الباقي منة 
ذكريات 
كلماتي

ارتجالات ابراهيم يحيي

#ارتجالات

جمد قلبك واكسر خوفك حقق حلمك واتحدي ظروفك
.
.
.
اوعي اليأس يتحكم فيك
ربنا فاكرك مش ناسيك
اسعي واعمل اللي عليك
.
.
.
.
اللي بيتعشم في ربنا دايما كسبان وعمره في يوم ما يكون غرقان

واللي بيتعشم في الناس دايما غلطان و بيخسر في الاخر الرهان
.
.
.
واللي غاب زي اللي ساب لا تعاتبه ولا تبعتله جواب دول في الاصل مش احباب
.
.
.

ما بين الساعات و الدقايق انا في بعدك كنت بدايق وانت مش حاسس بيا

وكل ما ترجع بتلاقيني والدموع ماليه عيني 

بس خلاص انا اتعودت وفي التجاهل بقيت واد فت
.
.
.

قليل الاصل ريح بالك وفكك منه
دا مش تربيه ابوه دا ابن امه
.
.
.
مش بسواد عيونك
ولا بشكلك ولا بلونك
ياما ناس شكلهم حلوين
وقلوبهم سوده طين
.
.
.

سمعتنا زي الدهب معروفه في كل مكان

في الشده دايما نبقي من الجدعان
وطظ في اللي قالك علينا مش تمام
.
.
.

مش كل اللي يقولك انت صاحبي تقول عليه اخ و سند صدقني هما اتنين تلاته  والباقي  كماله عدد 
.
.
.

اي حد موقفش جنبك في شدتك متعتبروش صاحب
كله في الفرح بيجي و يهيص
بس الشده بتعرفك مين الجدع و مين الرخيص
.
.
.
عايشين في دنيا غابه فيها الضعيف مذلول والفقير فيها  ميت بالحيا ومقتول
.
.
.

ياما ناس في حياتكوا هتشوفوها عيوبهم فيكوا بيجبوها
.
.
.

احنا نعيش و كرمتنا فينا
ومنخليش الرخيص يغلي نفسه علينا
.
.
.
وعجبي علي ناس داء المرض فيها 
كل ما تتعب تشفي غليلها في اللي منها و ليها
.
.
.
عشانك يا جميل عشقت الليل
 و ف حبك بكتب شعر و مواويل
.
.
.
بحبك وانتي في كسوفك و بحب جدا كدا اشوفك
.
.
.
نص جمالها في ضحكتها
والنص التاني في حيائها  ومشيتها
.
.
.
وراك يا حلم مش هسيبك لو كنت في بطن الارض
هتحداك واجيبك

تحياتي
ابراهيم يحيي

قلبك انا كلمات المبدعه هبه حسن

قلبك انا 
صوت م السما 
بينادي للناس العزاز
شايفاك ملاك روحك دواك
بتداوى غيرك من هواك 
يا ابو قلب من همس الندي
لحن ف شفايفك له صدي 
باحلم بحضنك بالساعات 
زي الطيور لحظة ندا
باسمع قلوبها بتعشقك 
تحلم بعينك تندهك 
تفرد جناحك فوق جراحي
وتضمني لما اسالك
مين اللي جابك في زماني وصورك 
ما بين دمايا في كياني وعطرك 
عطر الوجود
صدقني عايشاك في الثواني وحلمها
اخسر حياتي كلها ولا عمر يوم اني اخسرك 
وبافكرك 
اياك تصدق أن حبي له شروط
ده عشقي ليك زي جنة بلحن صوت 
عوضني ياللا ع اللي راح 
انا عمري قبلك كان وجع حاضن في موت 
يا حبيبي قلبك كون حنانه م الشروق
ومعاك باحس أن الهوى طاير لفوق
ملعونة روحي لو تغيب ثانيه بعيد 
وانت اللي قربك خلي شوقي يزيد بشوق
نبض العروق 
يتهجي قلبك ضحكتك حكم ونفاذ
كل القضية برقتك وانا قلبي اصله من ازاز 
مهما داريت عنك انا تفضحني عيني 
اصل اللي حبك في الحياة 
هو اللي فاز
==========
كلمات هبه حسن

#مجرد_قلب💔 أغلي نسخه من حوا (٤) كلمات احمد طلبه

#مجرد_قلب💔
أغلي نسخه من حوا (٤)
========
مجرد قلب من غير روح وعاش مجروح  مع الماضي 
وعمري لوحدي انا بيروح  ماانا مدبوح   دا شيء عادي

انا الحلم اللي ماكملش 
ومقدرش يتحقق
اقرب ليكي مقدرش
لأن قدرنا نتفرق   

وليه يبقي اللي بنا خيال
ويبقي محال
بإنه حتي يتصدق
#ونتفرق
💔
بقيت عايش مع ذكره كدا لبكره
مع صوره بتجمعنا
وفاكر وانتي مش فاكره  بإن العمر وياكي 
💔دا له #معني

فشوفي ازاي بقيت عايش علي هامش 
💔#حياه #ضايعه 
وليه الحب دا طايش وأنده  ليكي
ولا أنتي خلاص #سامعه
🙏
ماانا موجوع علي فرحه مابتدومشي
حبيبتي خلاص متعرفشي
بإني راضي بالوحده
في وسط حياه كتير جاحده
بإني مهما كان  ويكون
مافيش بعديها ولا واحده 

دي أغلي نسخه من حوا
وساكنه روحي من جوه
قولولها إني بعديها
لا حول بيا ولا قوه 

مانا الحلم اللي ماكملش 
ومقدرش يتحقق
اقرب ليكي مقدرش
لأن قدرنا نتفرق   

وليه يبقي اللي بنا خيال
ويبقي محال
بإنه حتي يتصدق
#ونتفرق
💔💔💔💔💔💔💔💔💔
✍️. احمد طلبه

كتيير_بأضحك كلمات #نورأدم

كتيير_بأضحك
#نورأدم
==========
كتير بأضحك وأبان ظالم وانا المظلوم
وأدارى حقيقة انى باعيش كسير مهموم
وباضحك ضحكة علو الصوت بيملاها
تبان البسمة على وشي يا محلاها

ورافض ان حد يحس ايه فيا 
خصوصا من مابين الناس اكيد هيه
بدارى وابان قصاد منها كتير مبسوط
وابين حتى فكلامى وبنبرة صوت

واخر مرة انا شوفتك وزى العادة باتبسم
خانتنى عيونى بالدمعة لاقيت قلبي بيتقسم
حصل اللي انا رافضه وخوفت كتيير ياناس يحصل
صعبت عليها شوفت الشفقة فعيونها وده شيء يكسر

وسيبت الدمع ده يجرى كما شلال وروحت مشيت
بعتت رسالة معناها انا ليكي ما يوم حنيت
انا دمعى اللي فعيونى ده كان نازل عشان قلبي
بيبكي لجرحي جوايا عشان يوم فيكي هان حبي

كتير بأضحك وأبان ظالم وانا المظلوم
وأدارى حقيقة انى باعيش كسير مهموم
وباضحك ضحكة علو الصوت بيملاها
تبان البسمة على وشي يا محلاها

#كتيير_بأضحك
#نورأدم

شمعة في مواكب الظلام كلمات المبدع مسعد سليم

     شمعة في مواكب الظلام
مسعد سليم
==============
زاهد عن حياة الزِّيف
همُّه بسِّ عَـــ الاخره
عارف انُّه عايش ضيف
حصَّن قلبه بالرَّحمه
تاجر ويَّا  ربِّ الكون
لجل الجنَّه كان الصُّوم
عاشها بقلب صافي حنون
ما ضلِّ كَـــ غيرُه فـِـ الزَّحمه
قال بوفِّي عهد ابويا
انِّ ابرِّ فيه فقير ..
وانِّ أحسن ليه كَـــ اخويا
وانِّ اراعي فيه الضَّمير
راح اهوِّن عَـــ الغلابه
بالمحبَّه وبالطَّيابه
قبل ما يشوفوها غابه
والنَّهار يقلب لليل
الفلوس مش كلِّ حاجه
ايه قيمتها يوم حساب
حتَّى لقبي فـِـ البطاقه
مش هيمنع يوم عذاب
لمَّا اتاجر عَـــ المريض
ولآلامُه فوقيها ازيد
عن طريق الحق أحيد 
لجل مال اخسر كتاب !!
الحياه فتنتها طامَّه
عَـــ اللي همُّه بسِّ مال
واللي قلبُه مشاعرُه صمَّه
واللي أسراه الامال ..
والشِّيطان حلَّى لُه زادُه
حتَّى يتحقق مرادُه
ناسي انِّ فْــ يوم ميعادُه
مهما حلم الرَّب طال
اللي زيُّه شخص راقي
حقُّه يُدخُل فـِـ المناهج
لجل يفضل بينَّا باقي
قدوه حسنه عبيرها واهج
هوَّ دا اللي محتاجينُه
واللي يتقبِّل جبينُه ..
واللي ندعي تطول سنينُه
ما اللي زيُّه وجودُه فارق

     زاهد عن حياة الزِّيف
مسعد سليم

أرميا_ابو_رجيله تكتب حلاوتك

حلاوتك..
زي حلاوة "العرقسوس"!
طبيعية و مبتوجعش ضروس

و حلاوة عزالك..
"تمر"!
من غير سكر..
 حنضل مر

ولو سكرته..
حموضة و سوس!

وشك حلو..
واحلا ما فيه
طابع الحسن ال محليه

قلبك صافي..
كلامك دافي..
باحبك أكتر..
لما تعدي تقولي: "عوافي"

عوافي منك يعني سماح
يعني عفيتي..شفيتي جراح
و ال اتغبر لحظة مابينا
لو اتبسمتي عكارة راح

راح القلب معاكي ماجاني
هو بريء والرمش الجاني
غزه ف لحظة سكره جمالك
و لولا الحب لا شيء نجاني

حبي انا ليكي..
بكل ما فيكي..
بيعني حياة

وحبك ليا..
لما تضيق الدنيا عليا..
بر نجاة
.            #أرميا_ابو_رجيله

انتي_جنه كلمات الشاعر احمد محمود الادغم

انتي_جنه
=======
الفرح شفته في عينيها 
قلبي غنا وقال عليها 
هيا دي اللي خلاص حستها مني هموت عليها ..

عيني قالت هيا بجملها
 تخطفك وتروح مكنها . 
 ‏مين يا ناس بس في جملها الله عليها .
 ‏الله عليها 
 ‏
العيون خطفتني مني
 والبرائه شيفها فيها .
حاسس ان الدنيا ديا جملها كله دا فعنيها  .

السعاده شيفها فيها . 
 ‏والاشتياق جوا في عنيها .
 ‏لما تغيب لو ثانيه عني .
 ‏ببقا والله ملهوف عليها .
 ‏
ياحنيني هيا والله .
 لو معايه تتهلي روحي .
 ‏تبقا جنبي أكون في جنه .
 ‏عمر مني في يوم تروحي .
 ‏.
#بقلمي .
النص بعنوان . #انتي_جنه
                                 #________البور .

مهلا رمضان كلمات الشاعر طه حسن

مهلا رمضان
"""""""""""""""
مهلا رمضان لاتغادر قلوبنا
فأيامك تجرى تحمل صيامنا
فرحتنا بمقدمك كانت قصيرة
اخذتها نزعة وباء عم ببلادنا
صبرنا على الجوع والعطش بك
عند الابتلاء نفد من يدنا صبرنا
اغلقت مساجد كانت تعج بزوارها
صلاة قيام وقرءان احزنت صدرنا
لم نملك الا الدعاء لرفع هذه الغمة
تخنقنا الدموع حتى بحت اصواتنا
يا الهنا انزل علينا رحمتك وغفرانك
فى ليالى رمضان وتقبل منا رجاءنا
ارزقنا ليلة القدر بعفو منك وعافية
ترفع عنا الوباء والبلاء واجب دعاءنا
مهلا ياشهر الخيرات والبركات بزكاة
لذوى احتياج وفقراء ترنو لصدقاتنا
لا اوحش الله منك ياشهر الصيام ابدا
تعود مرارا وتكرارا وقد زالت احزاننا
*********************************
الشاعر ( طه حسن ) من مصر

الشاعر مصطفي احمد يكتب السيسي ابن مصر

القاهرةفي٢٠٢٠/٥/١٣
حااااان وقت الوفاء بالوعد
كلمااأااااتي
بعنوان/السيسي بن مصر البااار
------------------------------------------

لما نزل الشعب اختاااااار..... السيسي

 بن مصر البااااااااار

قاله بصوت عالي جباااااااار

احنا كده كلنا معاك.. لنهاية المشوار

رد السيسي عليهم قااااااال.. انا بيكم

وبعون الله.. راح نقضي على الإرهاب

الآثم الغدار

ونكمل المساااااار.. في التنميه والإصلاح

وجميع نواحي الحيااااااااة

بنفس العزيمة والإصراااااااار

وكلام السيسي كله صااااااار.. ومصر

 من نجاح لنجاح

وفي علا وازدهااااااار

ومحميه أن شااااااء الله.. بجيشنا

 القوى المغوااار

من كل عمله واشرار

واللي لا هدفهم الا.. الوقيعه

وخراب الديار

ولما نزل الشعب اختااااااار.. السيسي

بن مصر الباااااااار

قاله بصوت عالي جباااااار

احنا كده كلنا وراك لنهاية المشوااااااار.

وحقوق النشر محفوظه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
                                             الشاعر والكاتب

     Mostafa ahmaed

#قليل_الحظ كلمات الشاعر ابراهيم يحيي

#قليل_الحظ

اللي شااااال هموم غيره محدش شااال همه

واللي ضحي بعمره لنااااس الكل اتخلي عنه

واللي كنت فاكرهم ولاد حلال

طلعوا صفر علي
 الشمال

وفي شدتي من الاندااال
.......
......

قليل الحظ ودنيتي معنداااااني 

كل اما بصلب طولي ااااااااااه
 بتهد من تاني

 حواليا نااااس كتييييره وحاسس اني وحداني

تعبت والحمل ذاد عليااااااا

كتافي مالت دا الحمل مش شويه

ولا حد حاسس بيااااا

اشكيك لمين يا وجع 
ااااااااااااااه 
اشكيك لمين 

ليه يا دنيا  تيجي ع الجدع وتقسميه نصين

وطيبه قلبه ظلمااااه من ناس كتير خاينين

قليل الحظ و دنيتي معنداني

كل اما بصلب طولي اااااااااه
 بتهد من تاني

#تحياتي
 ابراهيم يحيي

ياشَاطئ بُور فُؤاد الشاعر إبراهيم راجح

ياشَاطئ بُور فُؤاد ..
صَحيح طَال البَعاد .. 
رَاجِع مُشتاق لوَحدى ..
مَطفِى شَمعى إللى قَاد .. 
لَو فاكِر مِن سَنة ..
كُنا إِتنين هِنا .. 
حَبينا وإتعاهِدنا .. 
وسَلمنا قلبنا ..
وسَافرنا عَ الُلقا .. 
لَفت بِينا البلاد ..
ياشاطئ بور فؤاد ..
ورِجعت..وحَشنى لونَك .. 
لَقيت الشَط فَاضى .. 
وأنا حَالِف مااخُونَك .. 
أَمَانَة ياشَط قُولُه .. 
لَماَ يجيِلَك ودِلُه .. 
قُولُه عَ المَعَاد .. 
حَبِيبَك جِه وعَاد .. 
ياشاَطئ بُور فُؤاد .. 
*****
(راجح).....

الجمال الخفي كلمات شاعر البنفسج احمد عيسي

الجمال الخفي
=========

أراكِ تقتحمين أحلامي
ملألأةً بالجمال الخفي

ناديتُ المجاز البعيد
قال مثلها لم أصطفِ

فيا بئر العذاب العميق
من ذاق هواكِ لا يكتفي

في عينيكِ جرحٍ عنيد
عرفتي أم لم تعرفِ

يا امرأة القلوب الثلاثة
قلب رقيق
وقلب جاحد
وقلب وفي

متقدًا أنا فيكِ
أشق أوردتي
ولا أقتفي

يقول لكِ قلبي
بحق صلاتي عليك
أراكِ مرةً واختفي

سنمر...
من دروب الخيبات
إياكِ أن ترجفي

أخاف أن نخون السعادة
ونميل إلى الحزن المنتفي

عهدنا...
ألا تفرقنا الليالي
ومثلنا بالوعد يفي

لنتعلم من السماء زرقتها
رغم أن لونها..
بعد لم يكشفِ

أنا حدائق من البنفسج
فهل آن أن تقطفي

أم أنكِ أقسمتِ 
للضباب البعيد
أن قلبكِ متلفي

#أحمد_عيسى

أكيد زعلان كلمات المبدع مسعد سليم

أكيد زعلان
مسعد سليم
========•
أكيد زعلان أكيد مخنوق
وحاسس حُزن غير مسبوق
عشان شايف وجع إنسان
كرامتُه ترجموها عقوق
أكيد زعلان عشان لسَّه
دموع قلبي ماهيش خالصه
ومش عارف أوقَّفها
لأنِّي حزين من القصَّه
أكيد زعلان من الجاري
وحاسُّه بكَّىٰ أفكاري
لدرجة انِّي من حُزني
بينزل دمع أشعاري
أكيد زعلان عشان إنسان
بيكره انِّ حدِّ يُهان
ويبقىٰ فُرجَه للعالم
وأبسط حقِّ ليه عطشان
أكيد زعلان من الصَّدمه
ومن أحزان كتير قاطمه
ومن قسوة بشر بينَّا
شُعور الرحمه ليه عادمه
أكيد زعلان من الاحداث
ما طعم الظُّلم حاسُّه رصاص
وإيه اللي يهون جرح
كلامنا عنُّه بالالغاز
أكيد زعلان فوق العادة
لأن المُرِّ دا زياده
وفايق قُدرتي وطاقتي
وخايف يبقىٰ لُه إعاده
أكيد زعلان بشكل مُخيف
ما كفِّ الحُزن جانا عنيف
مرار السَّحل مُش هيِّن
ببيتك ولَّا حتَّىٰ كَـــ ضيف

                أكيد زعلان
مسعد سليم

ارجع بقى كلمات الشاعره ماجدة البهيدي

ارجع بقى
======
ارجع بقى كفاية كده
سايبني ليه انا روحي
فيك متعلقة 
تعال لحبيبك ولبي الندا
بعادك قتلني طب ليه كل ده
كفايه حبيبى نشمت العدا
تعال وعوضني كل اللى فات
مبقاش في البعد غير حبة اهات
وليلي طويل وناقصه كتير حاجات
حاجات مش بتنفع غير تكمل معاك
تعال كفاية بعد انا تعبت خلاص
مش عايزة حاجة منك
غير حبة اخلاص
لا عايزة فلوس كتير
ولا عايزة البس حرير
انا عايزة اكون حبيبتك
ومعاك اخدك واطير
ارجع لحضني حبيبي
ياللي انت ما داري بى
دانت ساكن قوليبي
وانت وبس حبيبي
يا رب اشوفك بخير

2020 /30/1
:
#ماجدة_البهيدي
: