أرميا_ابو_رجيله تكتب حلاوتك

حلاوتك..
زي حلاوة "العرقسوس"!
طبيعية و مبتوجعش ضروس

و حلاوة عزالك..
"تمر"!
من غير سكر..
 حنضل مر

ولو سكرته..
حموضة و سوس!

وشك حلو..
واحلا ما فيه
طابع الحسن ال محليه

قلبك صافي..
كلامك دافي..
باحبك أكتر..
لما تعدي تقولي: "عوافي"

عوافي منك يعني سماح
يعني عفيتي..شفيتي جراح
و ال اتغبر لحظة مابينا
لو اتبسمتي عكارة راح

راح القلب معاكي ماجاني
هو بريء والرمش الجاني
غزه ف لحظة سكره جمالك
و لولا الحب لا شيء نجاني

حبي انا ليكي..
بكل ما فيكي..
بيعني حياة

وحبك ليا..
لما تضيق الدنيا عليا..
بر نجاة
.            #أرميا_ابو_رجيله