=========
العقول الضَّالَّه لسَّه ..
غارزه في وحل الحرام
للمرض مش قادره تسلىٰ
حتَّىٰ سايبه لُه اللجام !!
كُل يوم نلقىٰ شهيد ..
حالفه للإجرام تعيد
غدرها عمَّال يزيد
كُل مادا يقول كمان
عمَّىٰ عينها عن حقايق
عن جنود شاربه المرار
حُبَّها لوطنها غالب ..
مهما ليلها عليها طال
مُش جزاءها الغدر بيها
من بشر مغصوب عنيها
رافضه بينَّا تعيش نزيهه
شغلها الشَّاغل دمار
الضَّماير إيه جرالها
ليه بسهوله المال غواها
لجلُه ليه تغيَّر مسارها
حتَّىٰ لو هتبيع ضناها
الشَّهيد ازَّاي يهون !!
رغم إنُّه عاش يصون
يتقتل من طايفه دون
ذنبُه إنُّه مش معاها
هو سفك الدَّم ساهل
والحرام عادي يُحلَّل
والحلال يبقىٰ مظاهر
أخرُه نُطق الله اكبر !!
الإله ما قالش فجَّر
جُندي صايم كان بيفطر
ولَّا إقتل ولَّا دمَّر !!
رُوح عشانك كات بتسهر
وانت ماشي مع الشِّيطان
كُل همَّك ترضي خاين
لو هتمشي في الظَّلام
وانت واثق انُّه عايم
في بحور دمِّ وخداع
شايف انُّه لأرضُه باع
والعدُو أمرُه وأطاع ..
رغم إنِّ الحقِّ باين !!
عقول ضالَّة
مسعد سليم
ليست هناك تعليقات:
إرسال تعليق