يا نفس توبي كلمات الشاعره ماجده البهيدي

يا نفس توبي
==========
يا نفسي توبى وارجعي
الي الكريم مرجعي
عودي لرب العالمين
في الضلال لا تمكثين
عن الهوى فترفعي
كفى معاصي واسمعي
الي متى ستمكثين
وفي الذنوب تخوضين
يا نفسي توبى واعلمي
سيأتي يوم وتسألي
وفي القبر وحدك تدخلين
وعن كل شئ تحاسبين
هيا تعالي استغفري
لله عودي واهتدي
لا يوجد الآن وقت معي
عودي بقلبك واخشعي
والي الهوي لا ترجعين
ما احلاه الإسلام دين
عودي لنهج المصطفى 
وعلى خطأه فتبعي
تخفي الذنوب للعالمين
ولله بها تجهرين
اه يا نفس ستهلكي
وفي الجحيم ستسلكي
الي متى سترقدين
الي ان يأتي اليقين 
توبي لعلكي تسلمي
ويحك يا نفسي اهدئي
عودي لربك واخضعي
يا نفسي توبى وارجعي

2020 /27/4

:
#ماجدة_البهيدي
:

من جديد تاني اتولدت.. الشاعر احمد عبد الرحمن

من جديد تاني اتولدت..
 انا من جديد تاني اتولدت. .ومسار حياه غير المسار
وفتحت عيني من بعد صمت
وصمت نفسي مش اختيار
ورحله حياتي اتبدلت..من بعد طول الأنتظار
إشارات كتيره اتغيرت.
من بعد مااخدت القرار.
........
انا من جديد تاني اتولدت
ومسار حياتي غير المسار
فتحت عيني من بعد صمت
وصمت نفسي مش اختيار
...........
كانت الآلام مفتاح إجابات
والحكمة جاتلي من الصدمات
والتجربة ليها الف شكل
وكل شكل دروس وحاجات
من بعد اه فيه الف آه
والصبر سلاح موصوف لحياة
فيها الجراح. .يمكن شفا..يمكن دوا
أو طوق نجاه..
ولولاها انا ماكنت اتعلمت..
انا من جديد تاني اتولدت
ومسار حياتي غير المسار
فتحت عيني من بعد صمت
وصمت نفسي مش اختيار. ..
.................................................
01555399438
أحمد عبد الرحمن

بعد_شيبي_مابان كلمات المتالقه نور ادم

بعد_شيبي_مابان
=============
وجايني بعد شيبي مابان
يقوللي عليكي انا ندمان
وجاي يسأل على اللي كان
يقول فينك يا حب زمان

خلاص انا عشت ايامي
نسيت انا كل احلامي
وحتى نسيته لغرامي
مين انت ياللي قدامي

وجاي ندمان على ايه قول
وحكيك لا ماعاوزاه يطول
خلاص وقتي انا بيزول
وطاقتي لا ما ناقصة حمول

دواني زامني بالنسيان
ولو يرجعلي عمر زمان
راح ارفض احب قلب جبان
وغدره مايغدروش إنسان

#بعد_شيبي_مابان
#نورأدم

جيت يوم عليا كلمات الشاعره الهام الخشاب

جيت يوم عليا
=========
جيت يوم عليا 
من كتر غدر الدنيا بيك
وانا لما أشوفك 
أنسى كل اللى جرى 
وأجرى عليك  
عمرى كله فات خلاص 
وأتولدت أنا بين أيديك 
صعب قلبى اللى حبك 
ينسى فى يوم هوايا ليك
ولا حتى دمع عينى 
يجف منها  وأنت بعيد 
والليل ونجومه شهود عليا 
من السهر وسهدى فيه 
وأنت بعيد قلبى عنيد
رافض حياته رافض سكاته
حتى الأهات فيها كلام 
أتمنى أقوله أنا بين أيديك 
بقلمى 
إلهام الخشاب

خَيَّرتني _ كلمات المبدعه نورأدم

خَيَّرتني _نورأدم
==============
خَيَّرتني بين كسرتين
كسرة فراق بيننا وبين
كسرة قوية لنفسي فيا
منها أنا أسألني إنتى مين

خيرتني وكان أختياري
في كل حالة يقيد لناري
وتعبت أنا تفكير كتيير
مش سهل إني أخد قراري

خيرتني وقبل ما أفكر
سألت نفسي ليه ليها تكسر
يبقى إختياري الفرقة أفضل
إن كنت فى الحالتين راح أخسر

خَيَّرتني بين كسرتين
كسرة فراق بيننا وبين
كسرة قوية لنفسي فيا
منها أنا أسألني إنتى مين

# خَيَّرتني _نورأدم

الشاعر راضي الخياط يكتب / هتزعل مني

هتزعل مني 
==========
هتزعل  منى طب ازعل 
عشان خاطرك زعلت كتير 
وجيت ياما على نفسى 
وكان جرحى تملى كبير
وكنت بدارى احزانى 
عشان مركبنا يوم متقفش 
وميهمش أكون جانى 
مدام احساسى ليك مطمرش 
وكنت مصر تجرحنى 
عشان ساكتة مبتألمش 
خلاص أنا بعت أحلامى 
ومش هرجع بشكل صريح 
ومين بيضحى ف الدنيا 
عشان يبقى ف حياته جريح 
بقيت أصعب من الأول 
بقيت جامدة خلاص مبخفش 
متسألنيش عن الذكرى 
عشان قلبى برئ ميخنش 
بقولها خلاص بعلو الصوت 
لا انا منك ولا شارياك 
ومين قالك اكيد راح أموت 
عشان بطلت استناك 
هتزعل منى طب ازعل 
عشان خاطرك زعلت كتير 
وجيت ياما على نفسى 
وكان جرحى تملى كبير 
#راضي_الخياط

هيَّ دي أخلاق ولادنا كلمات الشاعر المبدع مسعد سليم

 هيَّ دي أخلاق ولادنا
مسعد سليم
============
هيَّ دي أخلاق ولادنا
اللي مش ممكن تموت
حتَّىٰ لو في مرَّه توهنا
سهل إنِّ فـِـ يوم نعود ..
نُبدُر الخير اللي فينا 
فـَـ القلوب ترجع جنينه
طول ما بينَّا عقول أمينه
مش بتسمح للجحود
هوَّ دا الرَّدِّ الطَّبيعي 
عـَـ الاهانه والتَّدنِّي
الطَّبيبه تعيش ما بينَّا
في سجل ابنك وإبني
والحكايه ما تنتهيش ..
تبقىٰ بطله علىٰ الافيش
ذكرها الطَّاهر يعيش
بعد رحله من التَّجنِّي
جيشنا لابيض دا مكانُه
 بعد طُهرُه فـِـ الشَّدايد
واجب انِّ ياخُد مقامُه
فـِـ القلوب قبل الشَّهايد
مين فـِـ نبلُه أو وفاؤه ؟!
مين مخجِّلنا بنقاؤه ؟!
من سنين جاهلين عطاؤه !
كان فـِـ  شاشه أو جرايد
ربَّما القصَّه الاليمه
رزق للجِّيش النَّبيل
والنِّهايه تكون رحيمه
لجل نوفي لُه الجِّميل
بعد ما توهنا فـِـ دُنيا
فيها ظُلم بكل ثانيه ..
والدَّليل دكتوره سونيا
بالحدث ليها الشَّهير
حيُّوا كُل جميل ما بينَّا
وانصفوا حتَّىٰ فْــ مماتُه
إحفظوا بقلوب عيوننا
إوعوا تنسوا يوم صفاتُه
كان خلوق أو كان كريم
كان وفي أو كان عظيم
كان حنيِّن أو  رحيم ..
ما تبيعوا بمرور حياتُه

 هيَّ دي أخلاق ولادنا
مسعد سليم

الشاعره إلهام الخشاب تكتب البدايه

البداية كانت حكاية 
ليها بينا ألف معنى 

أشواق كتيرة 
من البدايه 
والغرام اللي جمعنا

من هوانا 
من غرام عايش معانا 
بس ليه الشوق وجعنا

سهر وحيرة 
وخوف عليك 
والفكر ملكك للنهاية 

يملا الصدى 
كلامي ليك
نفسي تبقالي معايا

ونعيش أيامنا بالأمل 
رغم السدود 
تبقي لينا دي حكاية 

ليها بينا ألف معنى
ويبقي كل الكون سمعنا

بقلمى 
إلهام الخشاب

حااااجه مختلفه كلمات #سماح_عبدالله

حااااجه مختلفه 
#سماح_عبدالله
==========
اصل انتي فررحتي 
ومابشوفش غيرك
في دنيتي 
واصل انتي حاجة 
تانية غير كل حريم
الدنيااا ..... ❤💪
واصل انتي نظرة 
عيني اللي مابتشوفش
غيرك ....

واصل انتي ضحكة قلبي
اللي بترسمها شفااايفي 
ومهمآ قولتي لاااء 
وبعدتي سنين عني
بتفضللي طوول
الوقت برضه انتي 
سااارقه روحي مني

مابفكرشي في كررامتي 
لما رفضتي تكوني ليا
بدل المره ميه .. ... 
كنت بحلم بيكي انتي
لما تكوني في يوم حبيبتي
وازاي انسيكي الدنيا ديا
ويافرحي يادنيا تانيه 
اوعي تسيبيني لو
حتي ثااانيه... ❤

ومن انهارده تتمني بس 
وقبل ماتتمني ولاتحلمي
 بيكي انا هاحس ...
يوووووه 😹😸
واتقال كلام كتير
منه حتي الفووون 
يغييير ...
مش عااارفه احكي 
التفااصيل خلتني 
كتييير اطييير ...
ونكمل مره تانيه 
اوعدكم اركز المكالمة
الجايه. .... 😹😸

#واصل_انتي_دنيتي ❤💪
حااااجه مختلفه 
#سماح_عبدالله

رسايل مخفيه الرساله الثامنه والعشرون كلمات احمد طلبه

رسايل مخفيه 

الرساله الثامنه والعشرون 

================

محبوبتي

بعد السلام

والأحترام 

وكل إحساس شايله ليكي

جوايا اكبر م الكلام

إن كنت مش بصعب عليكي

يبقي علي الدنيا السلام

لكن حرام

إن ابقي عايش وسط حاله

من الوجع من غير وجودك

أيوه حرام

إنك هتبقيلي  استحاله

ولا هقدر اتخطا لحدودك 

لكن صحيح

فكراني ولا نسيتي عهدي

وقولتي هرضا بالنصيب

فكره بإني وفيت بوعدي

وعد مافيش بعدك حبيب

يادي النصيب

يبقي كدا  مكتوب عليا الفرحه ماتكملش يوم

كان نفسي بس تكوني ليا كان نفسي ارتاح م الهموم

هو النصيب

جوايا  يغزل من حروفك

دواوين حنين لحلم فات

جوايا بس اقدر اشوفك

بين الخيال والذكريات 

كان القدر حاكم ظروفك

وإنك هترضي بالسكات 

ملعون وجع يرضا بخوفك

ملعونه فيا  الذكريات 

أنا قلبي مات

مع كل لحظه تفوت عليا  وهي هي الحاله ديا

كنتي افضلي بس شويه تشبع كدا منك عينيا 

كنتي افضلي واقسي عليا وانا كنت هرضا بضعفي فيا

دي هي هي

كل اللي باقي بس منك

قلبي اللي ساكن عمري بيا

كل اللي باقي يا عمري منك

كل رساله  تكون مخفيه

وحق اللي وهب روحي

محبه تكون لوجه الله

وحق اللي وجع روحي

انا مسامحك لوجه الله

ودا كله لاعيب ولا ضعف ولا حتي ياستي حرام

ماكل احساس شايله ليكي. جوايا اكبر م الكلام

وان كنت مش هصعب عليكي

يبقي علي الدنيا السلام 

===================

✍️ احمد طلبه

#ليالي_رمضان الشاعر المبدع عمرو علي

#ليالي_رمضان
_____________
الشوارع ليه حزينه
طب فين الفوانيس
او حتي الزينه😩
وعم يوسف بتاع الفول
اللي كان جاهز لرمضان
فين فرحتنا بشهر الخير
يجي العيد ونقوله لأ
لقا رمضان دا اجمل عيد
شهر نور وخير وبركه
شهر له طعم جديد
الكنافه والقطايف رفضه حد يشتريها فين النفس
وفين زمان ليالي رمضان
 اللي كنا فرحانين بيها
طب لماذا ولحد امتي
المساجد واخده اجازه
مشتاقين لتراويح
ليها راحه فوق سعاده
قالو نصلي ف البيوت
 دا كتير علينا قوي بزياده
================
كلمات الشاعر  عمرو علي

صدمه كلمات احمد طلبه

صدمه
=======
صدمه عليا

إنك تجرح قلبي بحرقه
وتبين إنها ومش فارقه
بجد هتبقي عليا مفاجئه
إنك هتبعني وتنساني

صعب حقيقي
صعب حقيقي الصدمة عليا.      
صعب بجد انا أبقي ضحيه
جات علي قلبي الضربه قويه
.    أقرب واحد هو  الجاني

ضربه قويه صحيح هزتني
لما مشاعرك انت خانتني
وبرود واحد بيموتني
ويقولي انتي اكيد فهماني

 إن مافيش دلوقتي نصيب
وان انا هبعد عنك اغيب
عايز الحق دا اكبر عيب
إن مشاعري بيك ظلماني

كنت بشوفك ليا ملاك
كنت بحس إن انا جواك
اكبر عيب انا كنت معاك
 بضعف منك وارجع تاني 

صدمه. حقيقي
ماانت صحيح ساكت ولاهمك.     
ماالاحساس مش باين منك
الله يغنيني خلاص عنك.    
ويعوضني  سنين احزاني 

صعب حقيقي الصدمة عليا
صعب بجد انا هبقي ضحيه
جات علي قلبي الضربه قويه
إنك تبقي عليا الجاني
========
✍️احمد طلبه 

الشاعر راضي الخياط يكتب وايدين بتمنعنا

وإيدين بتمنعنا نفضل أكيد مع بعض 
وسنين هتجمعنا مهما يطول البعد.. 
الصعب هيعدى مهما الزمن هيطول
أحلامنا مربوطة دايما سوى مع بعض 
............. 
ياسنين وشايلة حنين خليكى قدامنا 
ماشين ومش ناسين نرسم ف أحلامنا 
مكتوب على قلوبنا ف السكة يوم هنتوه 
نرجع نلاقى الكون بيقول نكون مع بعض 
............. 
فى نجوم بتهدى الليل غنواية وحكاية 
ونسيم بيهمس شوق ملهوش هنا نهاية 
بيقول لموج البحر ع الشط مستنى 
مهما الليالى تطول

نهايتها ضحكاية 
............ 
#راضى الخياط

كيف لي أن أختبأ : كلمات الشاعر احمد عيسي

كيف لي أن اختبأ
==============
كيف لي أن أختبأ منكِ
والله أذن لكِ
أن تسطعي ..

لا أعرف من أين جئتُ
ولن أسمح 
أن ترجعي ..

فلا السماء تنكر نجومها
ولا العين ..
تمنع أدمعي

غريبٌ أنا غير أنَّ
أراكِ بكل خطٍ 
مر بأصبعي ..

ولست أجيد الكتابة أبدًا
لكني ..
أعظم الشعراء 
وأنتي معي !!

#أحمد_عيسى

بنيجي الحياه كلمات الشاعر سامح عبده

بنيجي الحياه

==========

بنيحي الحياة  نكتب فيها اسمنا 

و نسيب الحياة    

و تبقي يدوب صورة 

عالحيطان ذكري  مننا 

 ومابين الميلاد و الفراق 

فرحة و صرخة  و شكوي همنا 

امل من بيعيد يتور 

نجري علية قوام ندور 

و اول مانوصل  نلقاة سراب 

خدعنا و سرق عمرنا 

و تبقي صورة عالحيطان 

ذكري مننا 

يا عمر كفاية  تعبنا نبقي 

كدب  و خداع اوهام و،شقي 

كلو  في سباق 

و اللي ضايع هو عمرنا 

و تبقي يدوب صورة 

كلماتي

سامح عبدة

رساله بدم القلب : كلمات سماح عبدالله

#ودي_رساله_بدم_القلب 💔😢

الي 
#البطل_محمد_الحوفي_الملاك
اللي كان جاي من الجنه ❤
فرجع تاااني شهيد هناك💔 

ياابننا وحبيبنا ادميت قلوبنا 😢
ياشيخ لسه فيه رجاله كده..!!🤔

وياوجع القلب ع الصفوه 
دول هما خيرة ولادنا 💔
البطل طلب الشهادة فنالها 
وكان بيقول مشروعه الجنه 

لا همه بناااته ولا اهله ولا مراته ولاحياااته
دافع عن بلده اهله وناسه وراااح في سبيلنا 

ياراااجل انت اخدت قلوبنا مننا💔
وارواحنا معاك  وانت ماااشي كلنا 

#ياحبيب_قلوبنا_وابننا 
#طب_هو_في_كده💔

#وانتي_يابطله
 ياللي متجوزه ظابط زي ده
وكمان راجل مفيش زيييه💔
قلبي معاكي هاتعملي ايه .. ؟؟ 
وهاتعيشي ازاااي تاني بعديييه 

انا لو امك ولا زوجتك #ماتعيششي
فيا الدنيا ثانيه واحده بعديك
ابطال مفيش قبلهم ولابعدهم
صبر يااارب قلوب حبايبهم واهلهم 💔😢

وارحمنا من ولاد ميتين
الكلب اللي بيمشوا الشرع 
على مزاجهم ارحمنا منهم
خدهم يارب وارحمنا منهم

شرع ايه ده اللي يقول 
تروعوا الآمنين يااوساخ
وشياطين في شرع مين 
قتل ناس كل ذنبها انك من غير 
مله ولادين وقال فاكر نفسك في
الجنه 
طب ده حسبي الله ونعم الوكيل 
في ولاد ميتين الكلب الشياطين

#انتوا_مين 
وفي شرع مين تقتلونا
وتروعوا الناس الآمنين 
ارحمونا بقا ده في شرع مين ؟؟

صحيح ميعاده وكان ممكن 
يموت بالكورونا بس البطل
اختار يحاربكم وماتغلبونا
ضحي بروحه عشان بلده 
هو وغيره علي امل نخلص
منكم ربنا ياخدكم ويرحمنا 
منكم لاء واللي ميت فيهم 
فاكر شهيد هاتتفاجي بجنهم
ان شاء الله وبئس المصير

وعاوزين من مصر ايه منكم لله 
وحسبي الله فيكم ونعم الوكيل 

#سماح_عبدالله 
#رسالة_لبطل_شهيد

وبيعمل نفسه ملاك ؛ كلمات الشاعره نور ادم

وبيعمل نفسه ملاك

======

وبيعمل نفسه ملاك

وبيبكي ويشكي كتييير

واللي ميعرفشي حقيقته

بيفكر جرحه كبييير

وبيعمل نفسه حزين

ويبين حزن سنين 

ويقول مين زيي انا ميين

عاش عمره دموع وأنين

وانا من لومك مليت

وانت القصة إستحليت

غرقان في المسرحية

وللحقيقة نسيت

إن إنت مالبداية

سَبَّقت بجرحي وروحت

تألف ١٠٠  حكاية

وتشكي من إني جرحت

وبيعمل نفسه ملاك

وبيبكي ويشكي كتييير

واللي ميعرفشي حقيقته

بيفكر جرحه كبييير

#وبيعمل_نفسه_ملاك

#نورأدم

حبيبتي_عرفت_قيمتك : كلمات الشاعره سماح عبدالله

#حبيبتي_عرفت_قيمتك💔
==============
كان حبك ضهري اللي بتسند عليه 
حتي وانا بعيد وبعاند وطول الوقت
معاكي كنت شريك مخالف

 بس
حبك كان داري ومهما اروح ولا اجي
دايما في قلبي بلاقيه بيقويني ع الدنيا
حبيبتي وكنت بتحامي فيه 💔

كنت مغرور كنت اناني بظلمك اول وتاني
دايما شايف مفيش زييا ولا كنت مرة خايف
من انك لحظة تقسي عليا كنت بتباهي بحبك
جوايا كنت بوجعك بكسرك رغم اني عارف
ان حبك دوايا 

كنت فاكرك سد اقوي من اي حد
سيبتيني واديني بموووت بجد 😥
كات المفاجأة اقوي مني ازاي عرفتي
حبيبتي تتخللي عني ايوة ظلمتك 
جيت عليكي بس كنت بتسند ع حبك
كنت فاكر اني ابنك مهما اغلط هاتسامحي
مهما اقفل بيبان هاتواربي باب قلبك 
مش هاهون عليكي مهما بعدتي وعاندتي

كتير بعدنا وانجرحتي كنت واثق ان بنرجع
وعارف نقطة ضعفك اني اتعب ده اللي يوجع
م جمال قلبك كنت تيجي تجري وتضمي 
تحضني وكأنك امي ووجعي ماتتحملي 

افتريت عليكي كتير خونت بيعت كنت طير
طول الوقت م الشمال لليمين ولا حد قادر
عليا ولا بيكي كنت بحس كنت عارف ان في 
الاخر انتي ليا وبس ضامنك ضامن قلب الملاك
واللي مهما اغلط معاك بغلط وانا مسنود عليكي
شيطاني قدام نفسي يعريني واتغطي بيكي 
كنتي انضف واحلي مافيا كنت روحي اللي
اتمنيتها ليا كنت بحلم ابقا زيك وفي نضافة
ولاجمال قلبك كنتي روحي المستخبية فيا 
اللي حلمت اكونها بس معاكي انتي 💔

#حبيبتي_كنتي_ومازلتي_انتي_بس 
#في_قلبي_انتي 💖 
#بخسرك_وتتوه_مدينتي_مانتي_حبي
#امي_وبنتي_حبيبتي_عشيقتي_وستي 

دلوقتي انتي لمين هاتبقي مهما
بعدتي اوهاجرتي او حتي سيبتيني 
هاتفضللي ياست الكل حبيبتي ... انتي
وبس اللي في قلبي سكنتي عارف اني
خلاص خسرتك وخسرت معاكي نفسي
واملي في الدنيا وحيطتي افتكريني بالخير
ياقلبي لما تجيكي سيرتي وكفاية انك عني
غيبتي بعدتي 
وخلاص لغيري هاتبقي ده اقوي عقاب
لقلبي انك تستاهللي الاحسن مني  
وانا اموت من بعدك واعرف حبيبتي قيمتك
بعد اما خلاص مني انتي ضيعتي سامحيني
انا هافضل احبك هافضل ابنك وحتة منك
وهاتفضللي حتة مني وبنتي وكل شئ في
دنيتي مهما بعدتي او لغيري كنتي وحرمني
القدر منك عشان انتي كنتي ياملاك احسن مني

انا اسف ع الغرور ع الوجع وع الكسور اللي
سيبتها فيكي عارف مابتنسيهاااش بس املي
انك تسامحي واللي هايشفعللي عندك اني هاعيش 
واموت بحبك ومش هايكون غيرك في قلبي
وهاعيش رهن اشارة منك .... #حبيبتي 💖🌹
#انا_اسف_عرفت_قيمتك 💔🙁

#حبيبتي_عرفت_قيمتك💔
#سماح_عبدالله

كنت فاكرة / كلمات الشاعره فراشه حمزة

كنت فاكرة 
=======
كنت فاكره إني..... منكم....وانتوامني
حتة منكم حتة مني.
كنت فاكره إني مالكة....الدنيا بيكم جوه قلبي صورة ليكم
عزوتي انتوا وناسي....فجأة سبتوني بقاسي
ليه كدا هنت خلاص...ليه كدا ضاع الإخلاص
ليه انا مش حد غيري...لية كدا نسيتوا خيري
عايزيني عامية ومسحوبة...مش شايفة شئ ولا مرغوبة
طب كنتوا قولوا من البداية.....وقتك خلص ودي النهاية
ذنبي كله إني حلمت...وف شرعكم الحلم عيب
جريمة وعقابها الهلاك...لا هلكت أنا ولا ههلك يوم
عنيدة من يومي وهقوم ....كنت فاكره ...وكنت فاكره
طلع اليتم دا باينه نعمة

كلمات فراشه حمزة

ممكن جداً كلمات الشاعر مسعد سليم

ممكن جداً 
========
ممكن جدا  طب ليه لأَّه 
انِّ يكون الفيرس جانا 
لمَّا القُدس كانت مجروحه
واحنا بنسمع للصَّبُّوحه
واحنا جيوش كات برِّ وجو 
لجل نشاهد ماتش فريقنا
واحنا بنجري وبنتسابق 
لجل نمجِّد فـِـ اللي سارقنا
أسكُت يعني أصل كلامي 
باين إنُّه دقَّه قديمه
حاضر هـَـ اسكُت طب مـَـ انا ساكت
راجع حتَّى الماضي بنفسك 
راح تلاقيني فـِـ صمتي رهيب 
راح تلاقيني فـِـ صبري عجيب 
راح تلاقيني فـِـ بلدي غريب
أسكُت تاني أصل كلامي 
عمَّال يكشف عيب ورا عيب
حاضر هـَـ اسكُت طب مـَـ انا ساكت
فاكر انِّ اخواتنا الشُّققه 
فـِـ عزِّ آلامهم وقت حطامهم 
كات أرواحهم ولا قلوبهم 
فيهم لينا أي سماحه
الله أعلم بسِّ طبيعي ما كات مرتاحه
لمَّا تدوق الظُّلم مهانه 
لمَّا تكون لرَّحمه جعانه 
لمَّا بيوت الله تلاقيها 
مانعه دخولها طايفه جبانه
أسكُت تاني حاضر هـَـ اسكُت
جمله وقالها الطِّفل السُّوري 
انُّه هيخبر ربِّ الكون
فاكرين يعني قصَّه وعدِّت
آه يا مررنا من معاصينا
آه يا خجلنا من نفسينا
آه يا وهنَّا أمام كراسينا
أسكُت تاني طب مـَـ انا ساكت
آه يا كورونا جيتينا كصفعه 
فوقتينا وفكَّرتينا
انِّ الموت دا قريِّب جدا
وانِّ عملنا هو أملنا
وانِّ إيدينا ازَّاي نرفعها 
واحنا بنأمل من جوَّانا
نصحى الصُّبح نلاقي ..
الازمه بقدرة قادر مش موجوده
أصل لمَّا بنرفع إيدنا 
وبندعوه يقبل دعوانا
لازم يعني نكون حاسِّين 
إننا أكرمناه جوَّانا
إننا كنَّا بنحبي إليه 
وانِّ فروضه كانت متصانه
وانِّ صحينا فـِـ عزِّ البرد لجل رضاه 
وانِّ سهرنا ليالي طوال 
لجل قيام وكمان مُناجاه
أسكُت تاني لأ مـَـ اسكُتش
احنا بصدق بدأنا نفوق 
بسِّ يا رب الغُمَّه تعدِّي
وما نفتح بابنا لزلَّاتنا
ولا فـِـ عيونَّا تقلب وردي
ونعيد ترتيب حساباتنا 
ونقوِّت بالطَّاعه حياتنا 
ولجل رضاه ندخُل فـِـ تحدِّي

                    ممكن جدا ؟!
مسعد سليم

فقر دين كلمات الشاعر مسعد سليم

الحكايه فقر دين
مش تخلُّف أو غباء
هوَّ دا مرضنا اللعين 
اللي محتاج للعلاج
بنتكُم هانت عليكم
وبسهوله آوام نسيتم
اللي كات قدَّام عنيكم
صوره حيَّه للعطاء
الطَّبيبه واحده منكم
مش عَدِوَّه أو مُصيبه
حتَّىٰ موتها كان عشانكم
رفضكُم للدَّفن عيبه
عَدوِة ايه بتقولوا عنها
اللي بتردُّوا بيبانها
انتوا والَّه أشرِّ منها
راجعوا أفعالكوا المُريبه
هو دا ردِّ الجِّميل
عـَـ اللي ضحَّىٰ بعُمرُه لينا
ننكروا ومالُهش خير
عادي إنُّه يهون علينا
هيَّ فين الرَّحمه فين
إحنا فعلآ مُسلمين
ولا بسِّ يدوب روتين
ولإصول الدِّين نِسينا 
آه يا أُمَّه عفيفه كُنتي
قِدوه حسنه للجميع
ليه لأخلاقك ما صونتي
لمَّا صبح الحال وضيع
إيه اللي غيَّر فيكي ناسِك
إيه اللي خلَّىٰ المرِّ كاسِك
هان عليكي ليه تراثِك
والخريف تاخديه ربيع
قصِّة الطَّبيبه صعبه
شرح وافي لموت قلوبنا
وان لسَّه بقايا رحمه
كُل يوم تِكشِف عيوبنا
العلاج وحدُه فـِـ ديننا
لجل يرجع تاني نورنا
والمحبَّه تعود شعارنا
بعد درس كتير تِعِبنا

              فقر دين
مسعد سليم

بحلم بيك كلمات الشاعره الهام الخشاب

بحلم بيك 
======
بحلم بيك 
وقلبى معاك 
ياللى العمر 
وياك فرحة 
دة انت الجنة 
ياحبيب روحى 
حتى الروح 
تبقى فداك 
لماتكون ويايا 
حبيبى تضحك
شمسى ويسهر 
قمرى حتى النجم 
يزين ليلى 
ما هو دة حالى 
وانا باهواك 
بقلمى 
إلهام الخشاب

من شغاف القلوب ..#بقلمي علي حسن

1982
من شغاف القلوب   ..#بقلمي علي حسن

لما لم نحبو إلى رب السماء داعيين
قد فارقتنا الحيل وسبل الإنتظار

فتوشحنا لباس الآه عنوة لعلنا
نسينا الله وتذكرناه في الإحتضار

لنرسم من شذى الروح حياتنا
لن يصيبنا إلا ما شاءه رب الأقدار 

في رسالة ممهورة بشغاف القلوب
ربي قد تجازنا بمعانينا السعار

ربي لا تآخذنا بما فعلته أيدينا
قد أصبحت أوصالنا أشطار

لا تلمني يا قارئي وما بين السطور
ما تجاوزت بحرفي حدود الأذكار

لا تلمني إن تمايل حرفي ع سنى القلم
وتنهد مني الوتين والأوتار

لا تلمني إن سكبت من كأس معتق بالدعاء
ليسكرني ما بين أهداب الليل والنهار

فلست أدري أني ع صهوة الحرف أعدو
في سبق إلى السماء ولا أقول أني من الشعار

ولست أدري إن كنا كهبوب ريح
تناثرت أوراقنا ع حدي الزمان والإعصار

ولم أقل أني في مخاض بحور الشعر
أو أني تجاوزت حدود السماء والأشعار

فأنا لسان وقلم في حدود البشر
وقلب نابض بذكر الله ليل ونهار 

         .. علي حسن ..

لو كل الكلام اتقال كلمات الشاعر علي البيومي

لو كل الكلام اتقال 
============
لو كل الكلام اتقال   عنك يابويا ميكفيش
راجل وزين الرجال علي حسك يابا بعيش

بارك الله في عمر كل اب على قيد الحياه
ورحم الله كل من فارق.

حاجه كده عن الأب يارب تعجبكم
وان شاء الله اللي جاي أفضل 
آدائي وكلماتي

علي البيومي

سندباد كلمات الشاعر نبيل امين

سندباد

كل ديك كان له فرخة
سابها وراح يعلن حداد
جوه منه عزة شامخة
وابتدى ف دور العناد

والفراخ رفضت تبيض
والنفسية ف الحضيض
وناوية ترفع بالتعويض
لسلامة النوع والاعداد

والبرابر حالها واقف
مش لاقية ليها ناصف
وكل ديك لابس وحالف
يصبح يبقى سندباد

كلمات وتأليف
الشاعر نبيل امين

فرراجة يادنيا فرراجة / كلمات الشاعر المبدع جرجس فايق

فرراجة يادنيا فرراجة

      فرراجة يادنيا فرراجة.

طول عمرك جاسية وحواجة.                                 فرراجة يادنيا فرراجة. 

 دة انا عمرى ماخنت فيكى صاحب.

 ولاعزيت عنك حاجة.  

      فرراجة يادنيا فرراجة.                           الحزن انا شفتة فيكى بدرى.    

ومعاكى نسيت فرحة عمرى.

وبكيت من الحصرة على قدرى.

  فرراجة يادنيا فرراجة.                       البسمة وراحت فارجتنى .

 والامل من يومها وفاتنى.

 ولاعمرى لقيتك فكرانى. .

  فرراجة يادنيا فرراجة.  

   طول عمرك جاسية وحواجة.  فرراجة يادنيا فرراجة.                           كلمات ولكنها نبضات:جرجس فايق

مكلمكيش # كلمات الشاعر : محمد_السيد

مكلمكيش
======
يمكن اشوفك مكلمكيش
وتبقي قصادي
ومبصلكيش
واقول لقلبي..
خليك خالي
ومعبركيش
وتبقي يوماتي واحشاني
واقول لنفسي اه ياني
لو نرجع بس لثواني
اضمك فيها ..وانساني
مانتي بروحك
ساكنه.. كل اركاني
وافوق عليكي في خيالي
واسرح فيكي.. 
ليله..وليالي
ولما تيجي تاني قدامي
مكلمكيش

#مكلمكيش
#محمد_السيد

الشاعر محمد حسين لما تحلم

لما تحلم احلم حلم
 يكون على الأرض
ماتطيرش بحلمك وتطلع فوق

وايلى يقولك احلم عادى
 وعيشه لو كدب
ماتسمعش كلامه وفوق

هى الاحلام عشان تبنينا
وتصحى كل قوه فينا
ولا الاحلام عشان تنهينا
ونشوفها لما نغمض عنينا

Mohamed hussien ✍

بشوف نفسي كلمات الشاعر عمرو علي

بشوف نفسي 
=========
بشوف نفسي تملي جوه عينك بتندهلي تقول قلبي وروحي 
مش ناسينك
ومهما الأمر كلفني
 خلاص مبقتش متحمل
 افكر ثانيا فيك
 اوحتي لخطوه امشيلك
 بانيت حيطه سد 
بيني وبينك
بس عايذك تفتكر 
كل الجراح اللي كانت بيني وبينك وظلمك وقت ضعفي ساعتها هتقول
 كان الله ف عونك
عمرو علي

كومبارس كلمات الشاعر المبدع خميس عليوه

كومبارس 
=======
كومبارس دايما دوري بلعب دوووور سنيد 
اشيل واعااااني بدل حبيبي كل الاهاااات
مطلوووب مني اني اعيش لغيري سعيد 
ومش مهم قلبي انه من جرحه يموووووت 

خللوني شئ اساااسي للوجع والاحزااااان 
هدوني اهلي وناسي انا كتير منهم زعلان 
مشوفتش منهم شوية طيبه ولا حبة حناااان 
حوليا ناس ملهومشي عدد لكني عايش وحيد 

كومبارس دايما دوري اني افوت في الحديد 
والبطل واقف هنااااك بيتفرج عليااا من بعيد 
والابتسامه ماليه وشه فرحان اوي ومبسووط
مفكرشي حتي انه مره يداوي جرحي بجد 

كومباارس دايما دوري بلعب دوووور سنيد 
اشيل واعااااني بدل حبيبي كل الاهااات 
مطلوووب مني اني اعيش لغيري سعيد 
ومش مهم قلبي انه من جرحه يمووووت 
.............

#خميس_عليوة

حالي كلمات المبدعه سماح عبدالله

حالي 
=====
ياللي بقيت مستحيل والحياه بعدك سراب
سبتني في عز الميل وانا ببني بيت من التراب
عيشتني في حلم جميل ع اننا اتنين احباب
يصحي شوقي في عز الليل يفوق من وهم 
يلاقي عذاب في ثانيه واحدة تقتل قلبي
وده كان ليه من غير اسباب  ..... !!
اصحي الاقي نفسي وحيد ماهو كان حلم 
يادوب وخلاص وافضل وقتي كله شريد
وابقا وحيد في وسط الناس 

اسمع صوتك وانت بتندهللي وافوق منه
لاحلي عذاب واحس اليتم في وسط اهلي
واحس بغربه مابين الاصحاب 
يبقا هو ده بقا حالي وانت بعيد ولا انت داري
اما بشوفك ابقا بداري شوقي اليك وكرب حالي
 ابعد عنك وابقا بعاني اهرب منك وانت كياني
اخاف تلمح فيا ضعفي تلمح المي تلمح  جرحي 

مهما كان شوقي وحنيني مهما كان عذاب سنيني
مش هاتشوف اللي انت جنيتوا ان كياني 
بإيديك هديتوا مش هاتحس بذل مشاعري
مهما كان حبك ضيعني فرصه واستنيت 
تلاقيها مش هاسيبك تفرح بيها مانت سعيت
تكسرللي قلبي مانت سعيت تذل مشاعري
وكنت واثق اني هاجيلك ولا هاتحمل 
يوم تعذيبك واستنيت حنيني اليك 
واجي واتحايل عليك 

بس بقا مهما كان شوقي مهما كان عذابي 
وخوفي مش هاتشوف عليا حصره 
مش هاتشوف غير بس فرحه 
وانك بالنسبالي فتره ولا تستاهل 
حتي الذكري وانك ولا اثرت في ذاتي
وانك ولا هزيت احساسي 
ولا نزلت دمعه عليك ولا تستاهل يوم 
اخلاصي ولا اني لحظه فكرت فيك
ولا اني عايش عمري بقاااااسي 

#سماح_عبدالله
#حالي 

2015