بقيت عادي
==========
برمم نفسي من جوه
علشان استقوى واعرف اعيش
وانسى اللي كان في يوم بينا
وإنك يوم ما حبتنيش
بحاول أعيش انا تاني
وانسى كل احزاني
وأبدا يومي من ثاني
وأنسى انك ما حستنيش
وجاي ترجع هنا ثاني
تقولي نعيده من ثاني
انا اسمعلك انا أخضاعلك
واروح من تاني وأرجعلك
وعادي كأن مبعدتش
وأنا وكأن محزنتيش
بجد ازاى عايز ترجع
كلامك ده كده يوجع
ماهو عادي
انام ودموعي على خدي
ولا يهمك أهي بس ليلة وتعدي
وانسى الجرح ولا بيدي
وارجع ثاني واستسلم
لما تعدي و تسلم
لا استنى وصحصح فوق
خلاص من وهمك بدات افوق
ولا عمري يوم أصدق ثاني كلامك
ولا اشتقلك ولا احتجلك
ولا دموعي هتنزل ثاني على شأنك
خسارة فيك ولو لحظه أفكر فيك
يا ظالم انت يا أناني
مش انت اخترت تنساني
وتروح وتحب من ثاني
ومش فارقة انا وياك
وبتبعني كدا عادي
خلاص خلينا على الهادي
وننسى الماضي والآتي
ولا كأني عرفتك يوم
وعلى فكرة
انت بقيت شيء عادي ....
الثلاثاء 4 /7 /2020
:
#ماجدة_البهيدى
:
ليست هناك تعليقات:
إرسال تعليق